အာဆင်နယ်ရဲ့အားထားရတဲ့ခံစစ်ကစားသမားဂါဘရီယဲလ်တစ်ယောက် ဇန်နဝါရီလလောက်အထိ
အနားယူရမယ်ဆိုပြီးသတင်းထွက်နေပါတယ်။
အာဆင်နယ်ကလာမယ့်ပရီးမီးယားလိဂ်ပွဲမှာစပါး၊ ချန်ပီယံလိဂ်ပွဲမှာ ဘိုင်ယန်မြူးနစ်အသင်းတွေနဲ့
ကစားရဖိုရှိလို အားထားရတဲ့ဂါဘရီယဲလ်မပါနိုင်တာထိုးနှက်ချက်ဖြစ်လာပါတယ်။
ဂါဘရီယဲလ် မရှိချိန်မှာ အာဆင်နယ်ရဲ့နိုင်ပွဲရာခိုင်နှုန်းက၄၁ ရာခိုင်နှုန်းသာရှိပြီးဂါဘရီယဲလ် ကစားတဲ့အခါ အာဆင်နယ်ရဲ့
နိုင်ပွဲရာခိုင်နှုန်းက ၆၃ ဒဿမ ၅ ရာခိုင်နှုန်းအထိမြင့်တက်လာတာပါ။
လက်ရှိရာသီမှာ အာဆင်နယ်အသင်းကခံစစ်မာဂုဏ်မြင့်မားခဲ့ပြီး ဂါဘရီယဲလ်နဲ့ဆာလီဘာက
ဉရောပအကောင်းဆုံးခံစစ်အတွဲအဖက်ဖြစ်ခဲ့ပါတယ်။အခုဂါဘရီယဲလ်မရှိတာအာဆင်နယ်ခံစစ်ကို
သက်ရောက်မှုကြီးမားနိုင်ပြီး ဂိုးတွေပြန်ပေးနေရလိုလည်းစိုးရိမ်စရာကောင်းပါတယ်။
ဂါဘရီယဲလ်က ပြီးခဲ့တဲ့ရာသီမှာတံကောက်ကြောဒဏ်ရာရပြီး အာဆင်နယ်ရဲ့ချန်ပီယံမျှော်လင့်ချက်ထိခိုက်ဖူးတယ်။
အာဆင်နယ်ခံစစ်မှာမော်စကွဲယားက ကစားခွင့်ရချိန်တိုင်းတည်ငြိမ်နေပေမယ့် ဂါဘရီယဲလ်လောက်စိတ်ချလို
မရပါဘူး။ ပြီးတော့ကာလာဖီအိုရီကလည်းဒဏ်ရာရနေလို အာဆင်နယ်ခံစစ်ရွေးချယ်စရာပိုနည်းနေပါတယ်။
အာဆင်နယ်က ဂါဘရီယဲလ်ဘယ်လောက်အနားယူရဉီးမလဲဆိုတာ မူတည်ပြီး ချန်ပီယံအိပ်မက်အလားအလာ
အဖြေထွက်ဖွယ်ရှိနေပါတယ်။
