ဂေးယီရဲ့အနီကတ်ပြစ်ဒဏ်အယူခံကို FA ပယ်ချ
အဲဗာတန်ကွင်းလယ်လူ ဂေးယီရဲ့ အနီကတ်ပြစ်ဒဏ်အယူခံကို အင်္ဂလန်ဘောလုံးအဖွဲ့ချုပ်(FA)က ပယ်ချခဲ့ပါတယ်။
အဲဗာတန်အသင်းနည်းပြ ဒေးဗစ်မွိုက်စ်က ဂေးယီရဲ့အယူခံပတ်သက်ပြီး FAဘက်က ဘာမှရှင်းလင်းချက်မပေးဘူးလို့ ပြောကြားခဲ့တာပါ။
ဂေးယီ(၃၆ နှစ်)ဟာ မန်ယူနိုက်တက်နဲ့ပွဲမှာ အသင်းဖော် မိုက်ကယ်ကင်းကို ကိုယ်ထိလက်ရောက်ကျူးလွန်လို့ အနီကတ် ပြသခံခဲ့ရပါတယ်။
ဒေးဗစ်မွိုက်စ်က ”အနီကတ်ကို ကျွန်တော်တို့ အယူခံဝင်ခဲ့ပါတယ်။ ပြီးတော့ ကျွန်တော်တို့ရဲ့အယူခံ ပယ်ချခံခဲ့ရပါတယ်။ ဘာကြောင့် ပယ်ချသလဲဆိုတာ ကျွန်တော်တို့ကို ဖြေရှင်းချက် မပေးပါဘူး။ အဲဒီအရာနဲ့ပတ်သက်ပြီး ကျွန်တော်တို့ အယူခံထပ်ဝင်ခဲ့ပါတယ်”လို့ ဒေးဗစ်မွိုက်စ်က ပြောခဲ့ပါတယ်။
စည်းမျဉ်းဥပဒေအရ ခိုက်ရန်ဖြစ်ပွားမှုတွေကို သုံးပွဲပယ်ပြစ်ဒဏ် ချမှတ်လေ့ရှိပါတယ်။
ဒါကြောင့် ဂေးယီဟာ နယူးကာဆယ်၊ ဘုန်းမောက်၊ နော်တင်ဟမ်ဖောရက်စ်အသင်းတို့နဲ့ ကစားမယ့်ပွဲတွေကို လွဲချော်ရဖို့ များပါတယ်။
