အာဆင်နယ်ရဲ့ချန်ပီယံဆုဖလား ရိတ်သိမ်းချိန်
ဘိုင်ယန်မြူးနစ်ကို အိမ်ကွင်းမှာ ဂိုးပြတ်အနိုင်ရပြီးနောက် အာဆင်နယ်ရဲ့ ချန်ပီယံမျှော်လင့်ချက်တွေ ပိုလှပလာတယ်။
ပရီးမီးယားလိဂ်မှာသာမကဘဲ ချန်ပီယံလိဂ်မှာပါ အာဆင်နယ်ကတားဆီးမရနိုင်ဘဲ ချန်ပီယံဆုတွေ မျှော်လင်ခွင့်ရှိနေတာပါ။
စိုက်ပျိုးချိန် လွန်မြောက်ရင် ရိတ်သိမ်းချိန်ဆိုတာရှိစမြဲ၊ တခါတလေမှာ မမြင်နိုင်တဲ့ အနှောင့်အယှက်ကြောင့် ရိတ်သိမ်းချိန်ဟာ နောက်ကျချင်နောက်ကျနိုင်ပါတယ်။ ဒါပေမဲ့ မျှော်လင့်ချက်တွေ စွမ်းစွမ်းတမံ စိုက်ပျိုးထားသူအတွက် ပျော်ရွှင်ရမယ့်အချိန်
ရောက်လာစမြဲပါပဲ။
အာတီတာပြုစုပျိုးထောင်ထားတဲ့ အာဆင်နယ်ဉယျာဉ်က ခမ်းနားလှပနေပြီ။ ဖလားလက်မဲ့အဖျက်ပိုးတွေကို ဖယ်ရှားရှင်းလင်းနိုင်ခဲ့ပါပြီ။
အောင်ပွဲတွေဝေဝေဆာဆာဖူးဝေနေမယ့် ရိတ်သိမ်းချိန်ရောက်လာတော့ပါမယ်။
အာစင်ဝင်းဂါးက ပရီးမီးယားလိဂ်ခေတ် ပထမအာဆင်နယ်နိုင်ငံတော်ကို တည်ထောင်နိုင်သူဆိုရင်
အာတီတာက ဒုတိယအာဆင်နယ်နိုင်ငံတော်ကို ဖန်ဆင်းပေးနေသူပါ။
အာဆင်နယ်ကို လိုတာထက်ပိုပြီး လှောင်ပြောင်ကြတယ်။ အမြဲတမ်းဒုတိယလူအဖြစ် နှိမ်ချချင်ကြတယ်။ ချန်ပီယံလိဂ်ဖလားမရဖူးတာကို လက်ညိုးထိုးကြတယ်။
အာတီတာရဲ့ဖလားလက်မဲ့ရာသီတွေက အနည်းငယ်ရှည်ကြာခဲ့ပါတယ်။ ဒါပေမဲ့
အခြားတဘက်မှာ အာဆင်နယ်ရဲ့ အောင်ပွဲဆာလောင်စိတ်ဟာ တောက်-ေ-လ-ာင် နေတယ်။
ပရီးမီးယားလိဂ်မှာ အနီးဆုံးပြိုင်ဘက် ချယ်လ်ဆီးကို ရမှတ် ၆ မှတ်ဖြတ်ထားတာ၊ ချန်ပီယံလိဂ်မှာ
၅ ပွဲကစား၊ ၅ ပွဲနိုင်ထားတာ၊ အဲဒီစွမ်းရည်တွေဟာ မှော်ဆန်လွန်းပါတယ်။
အာဆင်နယ်ကနှစ်ပေါင်း ၂၀ ကျော်ဝေးကွာနေတဲ့ ပရီးမီးယားလိဂ်ဖလား၊ တသက်မှာတခါမှမရဖူးတဲ့ ချန်ပီယံလိဂ်ဖလားတွေကို တကယ်သိမ်းပိုက်နိုင်မလား
