ဒီတစ်ခါတော့ တက်သစ်စကစားသမား Aiemann Zahabi နဲ့ အောက်တိုဘာ ၁၈ ရက်နေ့မှာ ကနေဒါနိုင်ငံ၊ ဗန်ကူးဗားမှာ တွေ့ကြမှာပါ။ Vera ဟာ နောက်ဆုံးလေးပွဲမှာ ၁-၃ နဲ့ ရလဒ်သိပ်မကောင်းခဲ့ဘူး။
Sean O’Malley ကိုလည်း ခါးပတ်လုပွဲမှာ ရှုံးခဲ့ပြီး Deiveson Figueiredo ကိုလည်း ရှုံးနိမ့်ထားတာကြောင့် ဒီပွဲက သူ့အတွက် အရေးကြီးနေပါတယ်။
ပြိုင်ဘက် Zahabi ကတော့ အခုချိန်မှာ ခြေစွမ်းပြနေပြီး ခြောက်ပွဲဆက်တိုက် အနိုင်ရထားတာပါ။ ပြီးခဲ့တဲ့ မေလတုန်းကဆိုရင် နာမည်ကြီး Jose Aldo ကိုတောင် အနိုင်ယူထားနိုင်တာမို့ Vera အတွက် လွယ်တဲ့ပွဲတော့ ဖြစ်လာမှာ မဟုတ်ပါဘူး။
ဒီ UFC Vancouver ပွဲမှာ သူတို့နှစ်ယောက်ရဲ့ပွဲအပြင် တခြားကောင်းမွန်တဲ့ ပွဲစဉ်တွေလည်း ပါဝင်ဦးမှာပါ။ ဒါပေမဲ့ ပင်မပွဲစဉ်ကိုတော့ UFC က တရားဝင်ထုတ်ပြန်ကြေညာထားခြင်း မရှိသေးပါဘူး။ ဘယ်သူတွေ ထိုးကြမလဲဆိုတာကိုတော့ ဆက်လက်စောင့်ကြည့်ရဦးမှာဖြစ်ပါတယ်။
