မန်ယူအသင်းဟာ ဘရာဇီးလ်ကလပ် အင်တာနေစီယွန်နယ်အသင်းက ဘရာဇီးလ်ယူ-၂၀ တိုက်စစ်မှူး ရီကာဒိုမားသီးယပ်စ်ကို စောင့်ကြည့်ဖို့ ကင်းထောက် စေလွှတ်ထားကြောင်း သိရပါတယ်။
ရီကာဒိုမားသီးယပ်စ်(၁၉ နှစ်)ဟာ အရပ် (၆)ပေ၊ (၄)လက်မ ရှိတဲ့ တိုက်စစ်မှူးဖြစ်ပြီး ပြီးခဲ့တဲ့နှစ်မှာ အင်တာနေစီယွန်နယ်စီနီယာအသင်းအတွက် စတင်ပွဲထွက်ခွင့်ရခဲ့သူပါ။
ပိုလန်တိုက်စစ်မှူး လီဝန်ဒေါစကီးနဲ့ ကစားဟန်တူတယ်လို့ နှိုင်းယှဉ်ချီးကျူးခြင်းခံနေရတဲ့ ရီကာဒိုမားသီးယပ်စ်ကို မန်ယူနဲ့အတူ အခြားပရီးမီးယားလိဂ်အသင်းတစ်သင်းကလည်း စောင့်ကြည့်နေတယ်လို့ သိရပါတယ်။
အင်တာနေစီယွန်နယ်အသင်းနဲ့ ၂၀၂၈ ခုနှစ်အထိ စာချုပ်ချုပ်ဆိုထားတဲ့ ရီကာဒိုမားသီးယပ်စ်ဟာ ယူရို(၆၅)သန်းတန် လျော်ကြေးစာချုပ်လည်း ထည့်သွင်းချုပ်ဆိုထားကြောင်း သိရပါတယ်။
မန်ယူအသင်းက ဒီနှစ်နွေရာသီမှာ တိုက်စစ်ကစားသမား(၃)ဦး ခေါ်ယူအားဖြည့်ထားပေမဲ့ ရီကာဒိုမားသီးယပ်စ်ကို အနာဂတ်အတွက် ကာလရှည်အသုံးပြုနိုင်ဖို့ ရည်ရွယ်နေခြင်းဖြစ်ကြောင်း သိရပါတယ်။
