စပါးအသင်းဟာ မန်စီးတီးအသင်းက ဘရာဇီးလ်တောင်ပံကစားသမား ဆယ်ဗင်ညိုကို ကမ်းလှမ်းဖို့ စီစဉ်နေကြောင်း သိရပါတယ်။
ဆယ်ဗင်ညို(၂၁ နှစ်)ဟာ ၂၀၂၄ နွေရာသီကမှ မန်စီးတီးအသင်းကို ရောက်ရှိခဲ့သူဖြစ်ပြီး ပြီးခဲ့တဲ့ရာသီမှာ ပြိုင်ပွဲစုံ (၄၈)ပွဲ ကစားခွင့်ရခဲ့ပါတယ်။
မန်စီးတီးအသင်းက ၂၀၂၉ ခုနှစ်အထိ စာချုပ်ချုပ်ဆိုထားတဲ့ ဆယ်ဗင်ညိုကို ရောင်းထုတ်လိုခြင်းမရှိခဲ့ပေမဲ့ စပါးအသင်းက မြင့်မားတဲ့ ပြောင်းရွှေ့ကြေးနဲ့ ကမ်းလှမ်းဖို့ စီစဉ်နေတာကြောင့် လက်ခံဆွေးနွေးဖွယ်ရှိကြောင်း သိရပါတယ်။
ဆယ်ဗင်ညိုကတော့ ကလပ်အသင်းနှစ်သင်း ပြောင်းရွှေ့ကြေးသဘောတူညီမှုရရှိခဲ့ရင် ပြောင်းရွှေ့ဖို့ လက်ခံသွားမယ်လို့ သိရပါတယ်။
နာမည်ကျော်ဂျာနယ်လစ် ဖာဘရီဇီယိုရိုမာနိုကတော့ မန်စီးတီးအသင်းက ဆယ်ဗင်ညိုကို ပေါင်သန်း(၃၀)ဝန်းကျင်နဲ့ ခေါ်ယူထားပေမဲ့ ပေါင်သန်း(၇၀)ဝန်းကျင်ရရှိမှ ရောင်းထုတ်ဖွယ်ရှိတယ်လို့ သုံးသပ်ထားပါတယ်။
