အာဆင်နယ်နောက်ခံလူ ဂါဘရီယဲလ် နိုင်ငံတကာပွဲမှာ ပေါင်ခြံဒဏ်ရာ ရရှိ
အာဆင်နယ်အသင်းက ဘရာဇီးလ်လက်ရွေးစင်နောက်ခံလူ ဂါဘရီယဲလ်ဟာ ဆီနီဂေါနဲ့ နိုင်ငံတကာခြေစမ်းပွဲမှာ ပေါင်ခြံဒဏ်ရာ ရရှိခဲ့ပါတယ်။
ဂါဘရီယဲလ်(၂၇ နှစ်)အနေနဲ့ ပွဲချိန်တစ်နာရီမပြည့်ခင်မှာ ဒဏ်ရာရခဲ့ပြီး လူစားလဲခံခဲ့ရပါတယ်။
၎င်းဟာ ပရီးမီးယားလိဂ်ဇယားထိပ်ဆုံးရောက် အာဆင်နယ်အသင်းရဲ့ အဓိကကစားသမားတစ်ဦးဖြစ်ပြီး ပရီးမီးယားလိဂ် ၁၁ ပွဲမှာ ငါးဂိုးသာ ပေးခဲ့ရတဲ့ ခံစစ်ကြောင်းကို ဦးဆောင်သူတစ်ဦးလည်းဖြစ်တယ်။
”ဒဏ်ရာက ဆိုးသလားကို ကျွန်တော် မသိပါဘူး။ သူ့ရဲ့ပေါင်မှာ ဒဏ်ရာရခဲ့ပါတယ်။ ဆေးအဖွဲ့က မနက်ဖြန်မှာ စစ်ဆေးပါမယ်။ ကျွန်တော်တို့ ဒီအတွက် အမှန်တကယ် ဝမ်းနည်းစိတ်ပျက်ရပါတယ်။ ကစားသမားတစ်ယောက် ဒဏ်ရာရချိန်မှာ မကြာခင်ပြန်ကောင်းဖို့ မျှော်လင့်ပါတယ်”လို့ ဘရာဇီးလ်အသင်းနည်းပြ အန်ဆယ်လော့တီက ပြောခဲ့ပါတယ်။
ဘရာဇီးလ် (၂-ဝ) ဆီနီဂေါခြေစမ်းပွဲကို အာဆင်နယ်အသင်းရဲ့ အီမရိတ်စ်ကွင်းမှာ ကစားခဲ့ပြီး အီစတယ်ဗို၊ ကက်စီမီရိုတို့က ဂိုးသွင်းပေးခဲ့ပါတယ်။
တခြားနောက်ခံလူတစ်ဦးဖြစ်တဲ့ ကာလာဖီအိုရီလည်း တင်ပါးဒဏ်ရာရှိနေလို့ အီတလီအသင်း လူစာရင်းကနေ နုတ်ထွက်ခဲ့ရပါတယ်။
အာဆင်နယ်အသင်းဟာ နိုဝင်ဘာလ ၂၃ ရက်မှာ စပါးနဲ့ မြောက်လန်ဒန်ဒါဘီ၊ နိုဝင်ဘာလ ၂၆ ရက်မှာ ဘိုင်ယန်မြူးနစ်နဲ့ ချန်ပီယံလိဂ်ပွဲတွေ ကစားရဖို့ရှိပါတယ်။
