ဆန်းဒါးလန်းအသင်းခေါင်းဆောင် ချာကာက အာဆင်နယ်နဲ့ ရင်ဆိုင်ရမယ့် အခုတစ်ပတ် ပရီးမီးယားလိဂ်ပွဲစဥ်မှာ ဘယ်အသင်းပိုကောင်းသလဲဆိုတာ မြင်တွေ့ရမယ်လို ပြောကြားခဲ့ပါတယ်။
ဆွစ်ဇာလန်ကွင်းလယ်ခံစစ်ကစားသမား ချာကာဟာ အာဆင်နယ်အသင်းမှာ ပွဲအများဆုံးကစားခဲ့ဖူးပြီး အခု အသင်းဟောင်းနဲ့ ပြန်လည်ရင်ဆိုင်ရတော့မှာဖြစ်လို အခုလို ပြောကြားခဲ့တာပါ။
ဆန်းဒါးလန်းအသင်းဟာ ဒီရာသီ ပရီးမီးယားလိဂ်ပြိုင်ပွဲမှာ အဆင့် ၄ နေရာ ရပ်တည်နေပြီး အခုတစ်ပတ် စနေညမှာ ထိပ်ဆုံးက ဦးဆောင်နေတဲ့ အာဆင်နယ်အသင်းနဲ့ အိမ်ကွင်းပွဲ ယှဥ်ပြိုင်ရမှာပါ။
ချာကာက ဆန်းဒါးလန်းအသင်း အမှတ်ပေးဇယားထိပ်ပိုင်းရောက်နေတာကို မအံ့သြကြောင်းနဲ့ မိမိတိုနဲ့ ထိုက်တန်တဲ့နေရာကို ရရှိထားခြင်းဖြစ်တယ်လိုလည်း ဆိုခဲ့ပါတယ်။
အာဆင်နယ်နဲ့ပွဲအတွက်တော့ “အဲဒီပွဲက ကျွန်တော့်အတွက် စိတ်လှုပ်ရှားစရာကောင်းတဲ့ပွဲ ဖြစ်လာမှာပါ။ ကျွန်တော် အဲဒီမှာ အံအားသင့်စရာကောင်းတဲ့ ၇ နှစ်တာကာလကို ဖြတ်သန်းခဲ့ရပါတယ်။ သူတိုနဲ့လည်း အဆက်အသွယ်ရှိနေတုန်းပါပဲ။ ဒီပွဲမှာ ပျော်ရွှင်ရဖို မျှော်လင့်ပြီး ဘယ်အသင်း ပိုကောင်းသလဲဆိုတာ မြင်တွေ့ရမှာပါ” လို ပြောကြားခဲ့ပါတယ်။
