ရီးယဲလ်မက်ဒရစ်တိုက်စစ်မှူး အမ်ဘာပေက အသင်းမှာ နှစ်များစွာဆက်ရှိပြီး ဆုဖလားတွေ
ရချင်တယ်လို ပြောကြားခဲ့ပါတယ်။
၎င်းဟာ ၂၀၂၄-၂၅ ဘောလုံးရာသီ ဥရောပရွှေဖိနပ်ဆုကို လက်ခံရယူအပြီးမှာ အခုလို ပြောခဲ့တာ
ဖြစ်တယ်။
အမ်ဘာပေအနေနဲ့ ပြီးခဲ့တဲ့ရာသီက လာလီဂါမှာ
၃၁ ဂိုး သွင်းယူခဲ့ပြီး ဒီဆုကို ဆွတ်ခူးခဲ့တာပါ။
ဒါ့အပြင် ကစားသမားဘဝမှာ ဒီဆုကို ပထမဆုံးအကြိမ် ရရှိခဲ့တာလည်းဖြစ်တယ်။
”ရွှေဖိနပ်ဆုကို ဆွတ်ခူးရရှိတာဟာ ကျွန်တော့်အဖို သာယာကြည်နူးစရာပါပဲ။ ကျွန်တော့်အဖို အရေးပါတဲ့ အခိုက်အတန့်ပါ။ ဒီဆုကို ကျွန်တော် ပထမဆုံးအကြိမ် ရရှိတာပါ။ ဒါက ရှေ့လျှောက် အဓိပ္ပာယ်များစွာ ရှိပါတယ်”လို အမ်ဘာပေက ပြောခဲ့ပါတယ်။
ဘာနေဗျူးမှာကျင်းပခဲ့တဲ့ ဆုပေးပွဲအခမ်းအနားကို ရီးယဲလ်အသင်းဥက္ကဋ္ဌ ပီရက်ဇ်၊ နည်းပြ အလွန်ဆိုနဲ့ ကစားသမားတွေလည်း တက်ရောက်ခဲ့ကြပါတယ်။
