မန်ယူနိုက်တက်အသင်းနည်းပြ ရူဘင်အာမိုရင်မ်က ဘောလုံးမှာ ဘာမှမသေချာကြောင်း ပြောကြားခဲ့ပါတယ်။
လီဗာပူးလ်နဲ့ အန်ဖီးလ်မှာ ပွဲ ၁၀၀ မြောက်တွေ့ဆုံပွဲပွဲကြိုသတင်းစာရှင်းလင်းပွဲမှာ အာမိုရင်မ်က
အခုလို ပြောခဲ့တာပါ။
ပြီးခဲ့တဲ့အပတ်က The Times နဲ့ အင်တာဗျူးမှာ အသင်းပူတွဲပိုင်ရှင် ရက်ကလစ်ဖ်က အာမိုရင်မ်ကို မန်ယူနိုက်တက်အသင်းမှာ သုံးနှစ်ကြာဆက်ရှိမယ်လို ဖွင့်ဟခဲ့ပါတယ်။
ဖိအားဒဏ်တွေနဲ့ နည်းပြရာထူးအတွက် မသေချာတော့တဲ့ သတင်းတွေ အဆက်မပြတ်ထွက်နေချိန်မှာ ရက်ကလစ်ဖ်ရဲ့စကားကို အာမိုရင်မ်ကို အာမခံချက်ပေးခဲ့ပါတယ်။
အာမိုရင်မ်က ”ဒီစကားကြားရတာ တကယ်ကောင်းပါတယ်။ ဒါပေမဲ့ ဒီစကားကို သူက ကျွန်တော့်ကို အချိန်တိုင်း ပြောနေတာပါ။ တစ်ခါတစ်ရံမှာတော့ပွဲတွေပြီးရင် မက်ဆေ့ချ်ပိုတယ်။ ဒါပေမဲ့ဘောလုံးဟာ ဒီလိုမဟုတ်ဘူးဆိုတာ သူလည်း
သိတယ်၊ ကျွန်တော်လည်းသိတယ်၊ ခင်ဗျားလည်းသိပါတယ်။ အရေးအကြီးဆုံးအရာက နောက်ထပ်ကစားမယ့်ပွဲပါပဲ။ အသင်းပိုင်ရှင်တွေတောင် ဘောလုံးမှာ နောက်တစ်ရက်ကို မထိန်းချုပ်နိုင်ပါဘူး”လို ပြောခဲ့ပါတယ်။
မန်ယူနိုက်တက်အသင်းဟာ အာမိုရင်မ်လက်ထက် ပရီးမီးယားလိဂ် ၃၄ ပွဲမှာ ၁၀ ပွဲသာ အနိုင်ရခဲ့ပါတယ်။
ဒါ့အပြင် အခုချိန်အထိ သူတာဝန်ယူစဉ်အတွင်း အမှတ်ပေးပွဲ နှစ်ပွဲဆက်တိုက် အနိုင်မရခဲ့ပါဘူး။
