အက်သလက်တီကိုမက်ဒရစ်အသင်းရဲ့ ၀ါရင့်တိုက်စစ်ကစားသမား ဂရီးဇ်မန်းဟာ ဖရန့်ဖတ်အသင်းကို (၅-၁)ဂိုးနဲ့ အနိုင်ရတဲ့ပွဲမှာ တစ်ဂိုးသွင်းယူနိုင်ခဲ့တာကြောင့် အက်သလက်တီကိုအသင်းအတွက် ဂိုး(၂၀၀)ပြည့်သွင်းယူနိုင်တဲ့ ပထမဆုံးကစားသမားအဖြစ် မှတ်တမ်းဝင်ခဲ့ကြောင်း သိရပါတယ်။
ပြင်သစ်ကစားသမား ဂရီးဇ်မန်း(၃၄ နှစ်)ဟာ အက်သလက်တီကိုအသင်းရဲ့ ဂိုးသွင်းအများဆုံးကစားသမားအဖြစ်လည်း ရပ်တည်နေသူဖြစ်တာကြောင့် ဂိုး(၂၀၀)ပြည့်တဲ့ ပထမဆုံးကစားသမား ဖြစ်လာခဲ့တာပါ။
ဂိုး(၂၀၀)ပြည့် သွင်းယူပြီးချိန်မှာ ဂရီးဇ်မန်းက ”Grizi” ဆိုတဲ့အမည်ပြောင်နဲ့ ”200” ဆိုတဲ့ ကိန်းဂဏန်း ရေးထိုးထားတဲ့ အကျင်္ကို ကိုင်မြှောက်ကာ အောင်ပွဲခံခဲ့ပါတယ်။
ပြီးတော့ ”အခုလိုအမှတ်အသားကို ရောက်ရှိလာတဲ့အတွက် ကျွန်တော် ပျော်ရွှင်မိပြီး အရမ်းလည်း ဂုဏ်ယူပါတယ်။ ဒါဟာ လွယ်ကူတဲ့ အရာမဟုတ်ပါဘူး” လို ဂရီးဇ်မန်းက ပြောကြားခဲ့ပါတယ်။
ဂရီးဇ်မန်းဟာ ပြင်သစ်ကစားသမားဖြစ်ပေမဲ့ စပိန်ကလပ်တွေမှာသာ ကစားခဲ့သူဖြစ်ပြီး အက်သလက်တီကိုအသင်းမှာ ၂၀၁၄ ကနေ ၂၀၁၉ အထိ တစ်ကြိမ် ကစားခဲ့ပြီးနောက် ၂၀၂၂ ကနေ လက်ရှိအချိန်အထိ ပြန်လည်လက်တွဲကစားနေခြင်းဖြစ်ကြောင်း သိရပါတယ်။
