မန်ယူနိုက်တက်ကစားသမားတွေအနေနဲ့ ပြီးခဲ့တဲ့ရာသီက နာကျင်စရာအမာရွတ်တွေ ပျောက်ကင်းဖို့ နိုင်ပွဲလိုအပ်တယ်လို့ အာမိုရင်မ် ဝန်ခံ
မန်ယူနိုက်တက်အသင်းနည်းပြ အာမိုရင်မ်က ကစားသမားတွေအနေနဲ့ ပြီးခဲ့တဲ့ရာသီက နာကျင်စရာအမာရွတ်တွေ ပျောက်ကင်းဖို့ နိုင်ပွဲလိုအပ်တယ်လို့ ဝန်ခံခဲ့ပါတယ်။
ဒါ့အပြင် အာမိုရင်မ်က မန်ယူနိုက်တက်ကစားသမားတချို့ဟာ ပြီးခဲ့တဲ့ရာသီ ရိုက်ခတ်မှုဒဏ်ကြောင့် ရုန်းကန်နေရဆဲဖြစ်တယ်လို့ သုံးသပ်ခဲ့ပါတယ်။
မန်ယူနိုက်တက်အသင်းဟာ အာမိုရင်မ်လက်ထက်မှာ ပရီးမီးယားလိဂ် နှစ်ပွဲဆက် အနိုင်ရမှု မရှိသေးပါဘူး။
ပြီးခဲ့တဲ့အပတ်က ချယ်လ်ဆီးကို ၂-၁ ဂိုးနဲ့ အနိုင်ယူပြီးနောက် ယနေ့ကစားမယ့် ဘရန့်ဖို့ဒ်ကွင်းမှာ ဒီမှတ်တမ်းဆိုးကို ချေဖျက်နိုင်မယ့် အခွင့်အရေးလည်း ရှိနေပါတယ်။
အာမိုရင်မ်ကိုယ်တိုင်လည်း နိုင်ပွဲဆက်တာဟာ ပြီးခဲ့တဲ့ရာသီ ဒဏ်ရာကို ကုစားပေးနိုင်လိမ့်မယ်လို့လည်း ဝန်ခံခဲ့ပါတယ်။
မန်ယူနိုက်တက်အသင်းဟာ ပြီးခဲ့တဲ့ရာသီ အမှတ်ပေးပွဲ ထက်ဝက်နီးပါး အရေးနိမ့်ခဲ့ပြီး ရာသီကုန် အဆင့် ၁၅ နေရာမှာသာ ရပ်တည်ခဲ့ပါတယ်။
