မိတ်ဆွေသူငယ်ချင်းဆိုတာ အေးအတူပူအမျှမရှိအတူ ရှိအတူဆက်ဆံရေးမျိုးထားရှိရတယ်။
ပျော်စရာကြုံတဲ့အခါ အတူရယ်မောပြီး
ငိုစရာကြုံတဲ့အခါ အတူဆွေးမြေ့ကြတယ်။
ပူပူနွေးနွေးBallon d’or ပိုင်ရှင် ဒမ်ဘီလီမှာလည်း
အတူရယ်မော၊အတူဆွေးမြေ့ပေးမယ့်နှလုံးသားချင်းဂျက်ပင်ထိုးထားတဲ့မိတ်ဆွေတစ်ဉီးရှိပါတယ်။
သူ့နာမည်က ဒီယက်တာပါ။
ဒမ်ဘီလီကို လဲကျချိန်တိုင်းနှစ်သိမ့်ပေးခဲ့သူဒီယက်တာပါ။
ဒဏ်ရာတောထဲကနေ ဒမ်ဘီလီလဲကျပြီးနာလံမထူနိုင်ချိန်၊ လူတကာရဲ့တံတွေးခွက်ထဲဆေးရုံအုပ်ကြီးအဖြစ် ဝေဖန်ခံနေရချိန်မှာ ဒီယက်တာက မေတ္တာမပျက်ခဲ့ဘူး။
မိသားစုဝင်တစ်ဉီးထက်ပိုတဲ့မေတ္တာကို ဒီယက်တာက ဒမ်ဘီလီအတွက်ပေးခဲ့တာပါ။
ချစ်ခြင်းနဲ့ ယုံကြည်မှုရစ်နွယ်ထားတဲ့ ငယ်သူငယ်ချင်းနှစ်ဦးကBallon d’or ဆုပေးပွဲမှာ မျက်ရည်ပြဇာတ်ကို အပြိုင်တင်ဆက်ခဲ့တယ်။
Ballon d’Or ဆုကိုလက်ခံရယူချိန်မှာ ဒမ်ဘီလီက သူငယ်ချင်းဒီယက်တာကို မမေ့မလျော့တခုတ်တရချီးကျူးခဲ့တယ်။
ဒမ်ဘီလီက ချီးကျုးချိန်မှာ ဒီယက်တာတစ်ယောက်
စင်အောက်မှာကြည်နူးမျက်ရည်တွေကျဆင်းနေခဲ့ပါတယ်။
ဒမ်ဘီလီက ”ငါ့ဘေးမှာမင်းရှိချိန်တိုင်း
ဘဝက အဓိပ္ပါယ်ပိုရှိလာတယ်” လိုပြောခဲ့ပါတယ်။
သူတိုရဲ့ချစ်ခြင်းဟာ စကားလုံးထက် ပိုမိုနက်နဲခဲ့
တယ်။ အချစ်ဆုံးသူငယ်ချင်းဆိုတာ အနာဂတ်ကို အတူတူအိပ်မက်မက်သူတွေမဟုတ်လား။
ဒမ်ဘီလီနဲ့ ဒီယက်တာဟာEvreux မြိုက La Madeleine အိမ်ရာစီမံကိန်းမှာ အတူတူကြီးပြင်းလာခဲ့ပါတယ်။ ဒမ်ဘီလီက ငါးထပ်မှာနေပြီး ဒီယက်တာက တစ်ထပ်မှာနေပါတယ်။
ဘောလုံးသမားဘဝအိပ်မက်ကိုလည်းအတူတူမက်ခဲ့ကြတာပါ။ LM Evreux အသင်းမှာ ဒမ်ဘီလီ၊ ဒီယက်တာတိုဟာ အူပါမယ်ကာနိုနဲ့ အသင်းဖော်ဖြစ်ခဲ့ဖူးပါတယ်။
ဒီယက်တာက ၂၀၁၉ ခုနှစ်မှာ CE LHospitalet ကစားသမားဘဝကနေ အနားယူခဲ့ပြီး
နာရီဆိုင်ဖွင်ထားသလို၊ သရုပ်ဆောင်ပညာ လေ့လာနေပါတယ်။
ဒမ်ဘီလီရဲအခမ်းနားဆုံးအိပ်မက်ဖြစ်တဲ့ Ballon d’Or အောင်ပွဲမှာ ချစ်ခြင်းမေတ္တာ တကယ်ရှိသေးတယ်ဆိုတာမြင်ခဲ့ရတယ်။
