မန်ယူနိုက်တက်အသင်းဘုတ်အဖွဲ့ဟာ အသင်းနည်းပြ ရူဘင်အာမိုရင်မ်ကို ဆက်လက်ထောက်ခံထားဆဲဖြစ်ကြောင်း သိရပါတယ်။
ဘုတ်အဖွဲ့အနေနဲ့ မန်ချက်စတာဒါဘီမှာ ဂိုးပြတ်ရှုံးခဲ့ပေမဲ့ လက်ရှိအခြေအနေကို ပြောင်းလဲဖို့အတွက် အာမိုရင်မ်ကို အချိန်ပိုပေးဖို့ ဆန္ဒရှိနေတယ်လို့ သတင်းရင်းမြစ်တွေက ESPN ကို ပြောခဲ့ပါတယ်။
မန်ယူနိုက်တက်အသင်းဟာ ရာသီအဖွင့် လေးပွဲကနေ လေးပွဲသာ ရထားပြီး ၁၉၉၂-၉၃ ရာသီကတည်းက အဆိုးရွားဆုံး ရာသီအစရလဒ်ပိုင်းနဲ့ ရင်ဆိုင်နေရပါတယ်။
လိဂ်ဖလားပြိုင်ပွဲ ဒုတိယအဆင့်မှာလည်း League Two ကလပ် ဂရင်းစဘီအသင်းကို ပယ်နယ်တီအဆုံးအဖြတ်နဲ့ အရေးနိမ့်ကာ ပြိုင်ပွဲက ထွက်ခဲ့ရပါတယ်။
အာမိုရင်မ်ဟာ မန်ယူနိုက်တက်အသင်းနည်းပြအဖြစ် ပရီးမီးယားလိဂ် ၃၁ ပွဲ ကိုင်တွယ်ခဲ့ရာမှာ ရှစ်ပွဲသာ အနိုင်ရခဲ့ပါတယ်။
အခုနွေရာသီမှာ ကူညာ၊ အမ်ဘူမို၊ ရှက်ရှကိုတို့အား ပေါင် သန်း ၂၀၀ ဝန်းကျင်နဲ့ ခေါ်ယူပြီး တိုက်စစ်ပိုင်းအားဖြည့်ခဲ့ပေမဲ့ ထူးခြားမှု မရှိသေးပါဘူး။
မန်ယူနိုက်တက်အသင်းဟာ လာမယ့်စနေနေ့မှာ ချယ်လ်ဆီးအသင်းနဲ့ ပရီးမီးယားလိဂ် အိမ်ကွင်းပွဲစဉ် ကစားရမှာဖြစ်ပါတယ်။
