မန်စီးတီးအသင်းနည်းပြ ဂွါဒီယိုလာက သူ့လက်ထက်မှာ မန်စီးတီးအသင်းဟာမန်ယူနိုက်တက်ထက် အမြဲပိုကောင်းတဲ့အသင်း ဖြစ်ခဲ့တယ်လို့ပြောကြားခဲ့ပါတယ်။
မန်စီးတီးအသင်းဟာ စပါးနဲ့ ဘရိုက်တန် ပရီးမီးယားလိဂ်နှစ်ပွဲဆက် အရေးနိမ့်ထားလို့ မန်ချက်စတာဒါဘီမှာ မဖြစ်မနေအနိုင်ရဖို့ လိုအပ်နေပါတယ်။
”မန်ချက်စတာယူနိုက်တက်အပေါ် ကျွန်တော် လေးစားမှုရှိပါတယ်။ သူတို့ရဲ့သမိုင်းကြောင်းကို အများကြီးလေးစားပါတယ်။ အတိတ်မှာ သူတို့လုပ်ခဲ့တာတွေ၊ အင်္ဂလိပ်ဘောလုံးအတွက် သူတို့အမွေအနှစ်တွေပေါ့။ ၉၀ ပြည့်နှစ်တွေမှာ သူတို့က အမြဲရှေ့ရောက်နေတယ်။ မန်စီးတီးက တစ်ခါတစ်ရံ အနိုင်ယူတာတော့ ရှိခဲ့ပါတယ်။ နောက်ဆုံးရှစ်နှစ်မှာ တော့ ကျွန်တော်တို့က ပရီးမီးယားလိဂ်ချန်ပီယံ ခြောက်ကြိမ် ဖြစ်ခဲ့ပါတယ်။ ကျွန်တော် ရောက်လာကတည်းက မန်စီးတီးအသင်းဟာ ပိုကောင်းတဲ့အသင်း ဖြစ်ခဲ့ပါတယ်။ ကျွန်တော်တို့က အမြဲတမ်း သူတို့ထက် ပိုကောင်းခဲ့ပါတယ်။ ၁၀ နှစ်၊ ကိုးနှစ်ကြာ ကျွန်တော်တို့က အမြဲတမ်းပိုကောင်းတဲ့အသင်းပါ”လို့ ဂွါဒီယိုလာက ပြောခဲ့ပါတယ်။
ဒါ့အပြင် ၎င်းက မန်ယူနိုက်တက်ဟာ သူတို့ကို အနိုင်ယူနိုင်စွမ်းရှိတယ်လို့လည်း အသင်းကစားသမားတွေကို သတိပေးခဲ့ပါတယ်။
မန်စီးတီးအသင်းဟာ လက်ရှိမှာ သုံးပွဲကစား သုံးမှတ်နဲ့ အဆင့် ၁၆ နေရာ ရောက်နေပြီး မန်ယူနိုက်တက်ကတော့ လေးမှတ်နဲ့ အဆင့် ၁၁ နေရာမှာ ရပ်တည်နေပါတယ်။
