တံကောက်ကြောဒဏ်ရာရထားတဲ့ ချယ်လ်ဆီးတိုက်စစ်မှူး ဒီလပ် ဒီဇင်ဘာလအထိ နားရမယ်
တံကောက်ကြောဒဏ်ရာရထားတဲ့ ချယ်လ်ဆီးတိုက်စစ်မှူး ဒီလပ်ဟာ ဒီဇင်ဘာလအထိ အနားယူရဖို့ ရှိနေပါတယ်။
ချယ်လ်ဆီးနည်းပြ မာရက်စကာက ဒီလပ်ဟာ ရက်သတ္တပတ် ၁၀ ပတ်ကနေ ၁၂ ပတ်အထိ နားရနိုင်တယ်လို့ ပြောခဲ့တာပါ။
ချယ်လ်ဆီးအသင်းကတော့ ဒီလပ်ကို နိုဝင်ဘာလအတွင်း ပြန်ကစားနိုင်ဖို့ မျှော်လင့်နေပါတယ်။
ဒီလပ်ဟာ ဖူလ်ဟမ်ကို ၂-၀ ဂိုးနဲ့ အနိုင်ရတဲ့ပွဲမှာ ပွဲအစ ၁၄ မိနစ်မှာပဲ ဒဏ်ရာရခဲ့တာဖြစ်တယ်။
ပြီးခဲ့တဲ့ဇွန်လက အစ်ဆွစ်ချ်အသင်းကနေ ပေါင် သန်း ၃၀နဲ့ ရောက်ရှိလာတဲ့ ဒီလပ်ဟာ အခုရာသီ သုံးပွဲစလုံး ပါဝင်ကစားခဲ့ပါတယ်။
ဒီလပ် ဒဏ်ရာရသွားလို့ လက်ရှိ ချယ်လ်ဆီးအသင်းမှာ အထောင်တိုက်စစ်နေရာအတွက် ဂျော်အိုပတ်ဒရိုနဲ့ မက်ဂျူတို့သာ ကျန်ပါတော့တယ်။
မက်ဂျူကို ဆန်းဒါးလန်းအသင်းထံ အငှားချခဲ့ပေမဲ့ ဖျက်သိမ်းပြီး ပြန်ခေါ်ထားတာဖြစ်ပါတယ်။
