အာမန် ဆာရူခ်ယန်က Paddy Pimblett သည် UFC Lightweight ချန်ပီယံဆုနှင့် လုံးဝမပတ်သက်သင့်ကြောင်း ပြတ်ပြတ်သားသား ထောက်ပြပြောကြားလိုက်သည်။
လက်ရှိချန်ပီယံ Ilia Topuria သည် ၎င်း၏ပထမဆုံး စိန်ခေါ်သူကို စောင့်ဆိုင်းနေချိန်တွင် Pimblett မှာ UFC ၌ ၇-၀ ဖြင့် စံချိန်ကောင်း ရရှိထားပြီး UFC 317 ပွဲစဉ်တွင် “El Matador” နှင့် ထိပ်တိုက်တွေ့ဆုံမှုများ ပြုလုပ်ခဲ့သဖြင့် စိန်ခေါ်သူအဖြစ် အားကောင်းနေသူဖြစ်သည်။ သိုသော် ဆာရူခ်ယန်ကိုယ်တိုင်မှာမူ ယခင်ချန်ပီယံ Islam Makhachev လက်ထက်၊ ပြီးခဲ့သည့် ဇန်နဝါရီလကတည်းက ချန်ပီယံဆုအတွက် စိန်ခေါ်ရန် စီစဉ်ခဲ့သော်လည်း နောက်ကျောဒဏ်ရာကြောင့် နောက်ဆုံးမိနစ်တွင် အခွင့်အရေးကို လက်လွှတ်ခဲ့ရသူ ဖြစ်သည်။
တစ်နှစ်ကျော်ကြာ တိုက်ခိုက်ခြင်းမရှိသေးသော်လည်း၊ Pimblett နှင့် နှိင်းယှဉ်ပါက သူသာလျှင် နံပါတ် ၁ စိန်ခေါ်သူအဖြစ် သတ်မှတ်သင့်သည်ဟု ဆာရူခ်ယန်က အခိုင်အမာ ပြောကြားခဲ့သည်။ ၎င်း၏ မှတ်ချက်သည် Paddy Pimblett ၏ လက်ရှိ အဆင့်သတ်မှတ်ချက်အပေါ် မေးခွန်းထုတ်စရာများ ဖြစ်ပေါ်စေခဲ့ကြောင်း သတင်းများက ဖော်ပြသည်။
