ဘောလုံးလောကရဲ့ ထင်ရှားကျော်ကြားတဲ့ ဆုပေးပွဲတစ်ခုဖြစ်တဲ့ Globe Soccer Awards ကို ဒီဇင်ဘာ ၂၈ မှာ ကျင်းပပြုလုပ်မယ်လို သိရပါတယ်။
ဒီဆုပေးပွဲက နာမည်ကျော် စူပါအေးဂျင့် ဂျော့ချ်မန်ဒက်စ်ရဲ့ ဦးဆောင်မှုနဲ့ ပေါ်ပေါက်လာခဲ့တာဖြစ်ပြီး ၂၀၁၀ ခုနှစ်ကတည်းက နှစ်စဥ်ကျင်းပလာခဲ့တာပါ။
Globe Soccer Awards ဆုပေးပွဲမှာ အကောင်းဆုံးကစားသမားဆု၊ အကောင်းဆုံးနည်းပြဆု၊ အကောင်းဆုံးအားကစားဒါရိုက်တာဆု၊ အကောင်းဆုံးအေးဂျင့်ဆု၊ အကောင်းဆုံးကလပ်အသင်းဆု စသဖြင့် ဆုအမျိုးအစားများစွာ ချီးမြှင့်လေ့ရှိပြီး ၂၀၂၅ ခုနှစ်အတွက်တော့ ၁၁ မျိုး ချီးမြှင့်သွားမယ်လို သိရပါတယ်။
အဲဒီဆုတွေအတွက် ဆန်ခါတင်စာရင်းကိုလည်း ဒီနေ့ ထုတ်ပြန်ပေးခဲ့ပြီး ပရိသတ်တွေအနေနဲ့ Globe Soccer ဝက်ဘ်ဆိုက်မှာ ဝင်ရောက်မဲပေးနိုင်ကြောင်း သိရပါတယ်။
Globe Soccer Awards ဆုပေးပွဲမှာ အကောင်းဆုံးကစားသမားဆုကို အကြိမ်အများဆုံးရရှိထားသူက စီရော်နယ်လ်ဒိုဖြစ်ပြီး ဒီနှစ်အတွက်တော့ အရှေ့အလယ်ပိုင်းဒေသအကောင်းဆုံးကစားသမားဆုအတွက် ဆန်ခါတင်စာရင်းထဲမှာ ပါဝင်နေပါတယ်။
