ပရီးမီးယားလိဂ် ပွဲစဉ်-၇ အပြီး ထုတ်ပယ်ခံရမယ့် နည်းပြရေပန်းစားမှုမှာ နော်တင်ဟမ်ဖောရက်စ်အသင်းနည်းပြ ပိုစတီကိုဂလူးက ထိပ်ဆုံးရောက်လာခဲ့ပါတယ်။
စပါးနည်းပြဟောင်း ပိုစတီကိုဂလူးဟာ မကြာသေးခင်ကမှ နော်တင်ဟမ်အသင်းနည်းပြအဖြစ် ခန့်အပ်ခံခဲ့ရပြီး သူကိုင်တွယ်တဲ့ ခုနစ်ပွဲစလုံး နိုင်ပွဲပျောက်ဆုံးခဲ့ပါတယ်။
ပိုစတီကိုဂလူးလက်ထက်ကစားတဲ့ နော်တင်ဟမ်အသင်းရဲ့ ခုနစ်ပွဲမှာ နှစ်ပွဲသာ သရေကျပြီး ငါးပွဲ ရှုးနိမ့်ခဲ့ပါတယ်။
ပွဲစဉ်-၆ အပြီးမှာ မန်ယူနိုက်တက်နည်းပြ အာမိုရင်မ် ထိပ်ဆုံးရောက်လာခဲ့ပေမဲ့ အခု သူ့နေရာကို ပိုစတီကိုဂလူးက အစားထိုးဝင်ယူခဲ့တာဖြစ်တယ်။
နော်တင်ဟမ်အသင်းဟာ ပရီးမီးယားလိဂ် အမှတ်ပေးဇယားမှာ အဆင့် ၁၇ နေရာ ရောက်နေပြီး အဆင့် ၁၈၊ ၁၉ ကအသင်းတွေနဲ့လည်း တစ်မှတ်သာ ကွာဟပါတယ်။
ဒါ့အပြင် နိုင်ငံတကာရက်သတ္တပတ်အပြီး ချယ်လ်ဆီး၊ ပေါ်တို၊ ဘုန်းမောက်အသင်းတွေနဲ့ ပွဲကျပ်ဆက်တိုက်ကစားရဖို ရှိပါတယ်။
နော်တင်ဟမ်အသင်းဟာ ဖူလ်ဟမ်နည်းပြ မာကိုဆေးလ်ဗားကို ကာလရှည်ပစ်မှတ်ထားခဲ့ပေမဲ့ ရာသီကုန်အထိ စာချုပ်သက်တမ်းရှိနေလို အခုရာသီအတွင်း ခေါ်ယူဖိုက ခက်ခဲပါလိမ့်မယ်။
ဒါ့အပြင် လီဗာပူးလ်နဲ့ ချယ်လ်ဆီးနည်းပြဟောင်း ဘင်နီတက်ဇ်နဲ့လည်း သတင်းတွေ ထွက်နေပါတယ်။
ဘင်နီတက်ဇ်ဟာ ၂၀၂၂ ဇန်နဝါရီလမှာ အဲဗာတန်အသင်းနဲ့ လမ်းခွဲပြီးကတည်းက အသင်းလက်မဲ့ဖြစ်နေပြီး လက်ရှိမှာ UEFA နည်းစနစ်အကြံပေးအဖြစ် ဆောင်ရွက်နေပါတယ်။
