နောက်ခံလူ ဆာလီဘာကို အာဆင်နယ် ငါးနှစ်သက်တမ်းတိုးမယ်
အာဆင်နယ်အသင်းဟာ အသင်းနောက်ခံလူ ဆာလီဘာကို ၂၀၃၀ ခုနှစ်အထိ သက်တမ်းရှိမယ့် ငါးနှစ်စာချုပ်သစ် ချုပ်ဆိုသွားမယ်လို့ သိရပါတယ်။
အာဆင်နယ်အသင်းက တရားဝင်မကြေညာသေးပေမဲ့ ဆာလီဘာဟာ စာချုပ်သစ်ချုပ်ဆိုဖို့ အသင်းနဲ့ သဘောတူညီမှု ရရှိခဲ့ပြီလို့ ဖော်ပြလာကြပါတယ်။
ဆာလီဘာဟာ ပြီးခဲ့တဲ့နွေရာသီက ရီးယဲလ်မက်ဒရစ်နဲ့ သတင်းတွေလည်း ထွက်ခဲ့ပါတယ်။
၎င်းဟာ ၂၀၁၉ ခုနှစ်က စိန့်အက်တီယန်အသင်းကနေ ယူရို သန်း ၃၀ နဲ့ အာဆင်နယ်အသင်းကို ရောက်ရှိလာတာပါ။
အစောပိုင်းနှစ်တွေမှာတော့ ပြင်သစ်ကလပ်တွေဖြစ်တဲ့ နိုက်စ်၊ မာဆေးလ်အသင်းတွေထံ အငှားပြန်ကစားခဲ့ရပါတယ်။
၎င်းအနေနဲ့ အာဆင်နယ်အသင်းအတွက် ပွဲ ၁၄၀ ကစားထားပြီး ခုနစ်ဂိုးသွင်းကာ သုံးဂိုး ဖန်တီးပေးခဲ့ပါတယ်။
လက်ရှိဈေးကွက်တန်ဖိုးက ယူရို သန်း ၈၀ လောက်ရှိတယ်လို့ သိရပါတယ်။
