ပေါ်တူဂီကလပ် ဘင်ဖီကာအသင်းရဲ့ နည်းပြသစ်ဖြစ်လာတဲ့ မော်ရင်ဟိုက သူ နည်းပြအဖြစ် ဆောင်ရွက်ဖို အခွင့်အရေးရခဲ့တဲ့အသင်းတွေထဲမှာ ဘင်ဖီကာထက် ဆွဲဆောင်နိုင်တဲ့အသင်း မရှိဘူးလို ပြောကြားခဲ့ပါတယ်။
ပေါ်တူဂီနည်းပြ မော်ရင်ဟိုဟာ နည်းပြဘဝကို အစပြုချိန်မှာ ဘင်ဖီကာအသင်းကို အချိန်တိုအဖြစ် ကိုင်တွယ်ခဲ့ဖူးပြီး အခု (၂၅)နှစ်ကြာမှ အသင်းဟောင်းနဲ့ ပြန်လည်လက်တွဲခဲ့ခြင်းဖြစ်ပါတယ်။
မော်ရင်ဟိုဟာ ၂၀၀၄ ခုနှစ်မှာ ပေါ်တိုအသင်းကနေ ချယ်လ်ဆီးအသင်းကို ပြောင်းရွှေ့ခဲ့ပြီး အဲဒီအချိန်ကတည်းက ပေါ်တူဂီမြေနဲ့ ဝေးကွာနေခဲ့တာကြောင့် (၂၁)နှစ်ကြာမှ ပေါ်တူဂီကလပ်တစ်သင်းကို ပြန်လည်ကိုင်တွယ်ခွင့်ရခြင်းလည်း ဖြစ်ပါတယ်။
ဘင်ဖီကာအသင်းနဲ့ ၂၀၂၇ ခုနှစ်အထိ စာချုပ်ချုပ်ဆိုခဲ့တဲ့ မော်ရင်ဟိုက ”(၂၅)နှစ်အတွင်းမှာ ကျွန်တော် ကမ္ဘာ့အကောင်းဆုံးအသင်းတွေနဲ့ အလုပ်လုပ်ခွင့်ရခဲ့ပါတယ်။ ဘင်ဖီကာနည်းပြ ဖြစ်လာဖိုထက် ပိုပြီးဆွဲဆောင်နိုင်တဲ့အသင်း မရှိခဲ့ဘူးလို ကျွန်တော် ပြောချင်ပါတယ်။ ကျွန်တော် ကတိပေးနိုင်တာကတော့ ဘင်ဖီကာအသင်းအတွက်၊ ကျွန်တော့်ရဲ့ တာဝန်အတွက် ရှင်သန်သွားမယ်ဆိုတာပါပဲ။ ဒါဟာ ကျွန်တော့်အတွက် အံ့သြတုန်လှုပ်စရာကောင်းတဲ့ အခွင့်အရေးတစ်ရပ် ဖြစ်ပါတယ်” လို ပြောကြားခဲ့ပါတယ်။
ဘင်ဖီကာအသင်းဟာ ဒီရာသီချန်ပီယံလိဂ်မှာ ချယ်လ်ဆီး၊ ရီးယဲလ်တိုနဲ့ ဆုံတွေ့နေတာကြောင့် မော်ရင်ဟိုအနေနဲ့ အသင်းဟောင်းတွေနဲ့ ပြန်လည်ရင်ဆိုင်ရဖို ရှိနေပါတယ်။
