အာဆင်နယ်အသင်းနည်းပြ အာတေတာက တောင်ပံတိုက်စစ်ကစားသမား ဆာကာရဲ့တံကောက်ကြောဒဏ်ရာ ပြင်းထန်မှာကို အလွန်အမင်းစိုးရိမ်နေတယ်လို့ ဝန်ခံခဲ့ပါတယ်။
ဆာကာဟာ အာဆင်နယ်ရဲ့ အခုရာသီ အိမ်ကွင်းပွဲဦးထွက် လိဒ်စ်ကို ၅-၀ ဂိုးနဲ့ အနိုင်ရတဲ့ပွဲမှာ အသင်းအတွက် ဒုတိယဂိုးကိုလည်း သွင်းယူပေးခဲ့ပါတယ်။
ဒါပေမဲ့ တံကောက်ကြောဒဏ်ရာရခဲ့လို့ ၅၃ မိနစ်မှာပဲ ထရိုဆတ်ဒ်နဲ့ လူစားလဲခဲ့ရတာဖြစ်တယ်။
ဆာကာမတိုင်ခင် အသင်းခေါင်းဆောင် အော်ဒီဂွါလည်း ပခုံးဒဏ်ရာရခဲ့လို့ ၃၈ မိနစ်မှာ လူငယ်ကြယ်ပွင့် နွမ်နယ်ရီနဲ့ လူစားလဲခဲ့ရပါတယ်။
”ဘူကာယို(ဆာကာ)ဟာ ဘောလုံးနဲ့အတူ သယ်ပြေးချိန် ပြိုင်ဘက်နောက်ခံလူနဲ့ ရင်ဆိုင်ခဲ့ပြီး တံကောက်ကြောက နာကျင်မှုဝေဒနာ ခံစားခဲ့ရပါတယ်။ ဒါက တခြားတံကောက်ကြောဒဏ်ရာလို့ ယူဆပါတယ်။ အရင်ရခဲ့တဲ့ဒဏ်ရာနဲ့ မတူပါဘူး”လို့ အာတေတာက ပြောခဲ့ပါတယ်။
ဆာကာဟာ ပြီးခဲ့တဲ့ရာသီက တံကောက်ကြောဒဏ်ရာနဲ့ လေးလနီးပါး အနားယူခဲ့ရပါတယ်။
အာဆင်နယ်အသင်းဟာ မကြာသေးခင်ကလည်း တိုက်စစ်ကစားသမား ဟာဗက်ဇ် ဒူးဒဏ်ရာရခဲ့လို့ ကာလကြာရှည် အနားယူရမှာဖြစ်ပါတယ်။
