လိဂ်ချန်ပီယံရှစ်ကလပ် ဝက်ဆမ်အသင်းဟာ ဒိန်းမတ်ဝါရင့်ကွင်းလယ်လူ အဲရစ်ဆင်ကို ခေါ်ယူဖို့ ချဉ်းကယ်နေတယ်လို့ သိရပါတယ်။
အဲရစ်ဆင်(၃၃ နှစ်)ဟာ ပြီးခဲ့တဲ့ရာသီကုန်မှာ စာချုပ်သက်တမ်း ကုန်ဆုံးပြီးနောက် မန်ယူနိုက်တက်အသင်းနဲ့ လမ်းခွဲခဲ့တာဖြစ်တယ်။
ဝက်ဆမ်အသင်းက လိဂ်ချန်ပီယံရှစ် တန်းတက်ကလပ်ဖြစ်ပြီး ၄၄ နှစ်အတွင်း အင်္ဂလိပ်ဘောလုံးလိဂ် ဒုတိယတန်းအဆင့်ကို ပထမဆုံးအကြိမ် တန်းတက်လာခဲ့တာပါ။
ဝက်ဆမ်အသင်းကို ဟောလိဝုဒ်က နာမည်ကျော်တွေဖြစ်တဲ့ Ryan Reynoldsနဲ့ Rob McElhenney တို့က ပိုင်ဆိုင်ထားတာဖြစ်ပါတယ်။
အဲရစ်ဆင်ရဲ့အေးဂျင့်ဖြစ်သူက ဝက်ဆမ်အသင်းမှာ ကြီးမားတဲ့ စီမံကိန်းတွေ ရှိပေမဲ့ သူ့ကစားသမားက ပထမတန်းအဆင့်နဲ့ အနောက်ဥရောပမှာ ကစားချင်နေဆဲလို့ ပြောခဲ့ပါတယ်။
ဝက်ဆမ်အသင်းဟာ နည်းပြ ဖီးလ်ပါကင်ဆင်လက်အောက်မှာ သုံးနှစ်ဆက် တန်းတက်လာခဲ့တဲ့အသင်း ဖြစ်ပါတယ်။
