ဘန်ဇီမာကို ဘင်ဖီကာအသင်းဆီ ခေါ်ယူဖို့ မော်ရင်ဟို ဆန္ဒရှိနေ
ဘင်ဖီကာအသင်းရဲ့နည်းပြ မော်ရင်ဟိုဟာ ပြင်သစ်တိုက်စစ်မှူး ဘန်ဇီမာကို ခေါ်ယူဖို့ ဆန္ဒရှိနေကြောင်း သိရပါတယ်။
မော်ရင်ဟိုဟာ ဘင်ဖီကာအသင်းကို အင်အားတောင့်တင်းတဲ့အသင်းဖြစ်အောင် တည်ဆောက်ဖို့ ရည်ရွယ်ရာမှာ အတွေ့အကြုံရင့်ကျက်တဲ့ ကြယ်ပွင့်ကစားသမားတွေကို ခေါ်ယူဖို့ ပစ်မှတ်ထားနေကြောင်း သိရပါတယ်။
ဒါကြောင့် ဆော်ဒီကလပ် အယ်လ်အစ်တီဟတ်အသင်းမှာ ကစားနေပြီး လာမယ့် ဒီဇင်ဘာမှာ အသက်(၃၈)နှစ်ပြည့်မယ့် ဘန်ဇီမာကို ခေါ်ယူဖို့ ဆန္ဒရှိနေခြင်းဖြစ်ကြောင်း သိရပါတယ်။
ဘန်ဇီမာဟာ မော်ရင်ဟိုနဲ့ ရီးယဲလ်အသင်းမှာ လက်တွဲခဲ့ဖူးပြီး အယ်လ်အစ်တီဟတ်အသင်းနဲ့ ၂၀၂၆ ခုနှစ်မှာ စာချုပ်သက်တမ်းကုန်ဆုံးမှာပါ။
ဒါပေမဲ့ ဘန်ဇီမာဟာ အယ်လ်အစ်တီဟတ်အသင်းမှာ လစာအများဆုံးရနေသူဖြစ်ပြီး တစ်ပတ်ပေါင်(၁.၆)သန်းဝန်းကျင်ရရှိနေသူဖြစ်တာကြောင့် စာချုပ်သက်တမ်းမကုန်ခင် တခြားအသင်းကို ပြောင်းရွှေ့ဖို့ အလားအလာနည်းပါးကြောင်း သိရပါတယ်။
