ဘုန်းမောက်အသင်းက ယူကရိန်းနောက်ခံလူ ဇာဘာညီဟာ PSG အသင်းကို ပြောင်းရွှေ့တော့မှာဖြစ်ပြီး မကြာခင် ဆေးစစ်မှု ခံယူပါလိမ့်မယ်။
ဇာဘာညီ(၂၂ နှစ်)ရဲ့ပြောင်းရွှေ့ကြေးက ပေါင် ၅၇.၁ သန်းအထိ ရှိလိမ့်မယ်လို့ သိရပါတယ်။
နောက်ခံအတွင်းလူ ဇာဘာညီဟာ လက်ရှိမှာ ပါရီကို ရောက်ရှိနေပြီး PSG အသင်းနဲ့ ငါးနှစ်စာချုပ် ချုပ်ဆိုဖို႔ ပုဂ္ဂိုလ်ရေးသဘောတညီမှု ရရှိထားပါတယ်။
ကလပ်နှစ်သင်းကြား အပြီးသတ်ဆွေးနွေးမှုတွေတော့ လုပ်ဆောင်နေဆဲပဲဖြစ်ပါတယ်။
ဇာဘာညီရဲ့ ကနဦးပြောင်းရွှေ့ကြေးက ပေါင် ၅၄.၅ သန်း ရှိနိုင်ပြီး add-ons ကြေးကတော့ ပေါင် ၂.၆ သန်းဝန်းကျင်ဖြစ်မယ်လို့ သတင်းတွေက ဖော်ပြခဲ့ပါတယ်။
ဘုန်းမောက်အနေနဲ့ အခုနွေရာသီမှာ ဇာဘာညီ ထွက်ခွာမှုဟာ တတိယမြောက် အဓိကနောက်ခံလူတစ်ဦးကို ရောင်းချတာလည်းဖြစ်တယ်။
အစောပိုင်းက ဟွိင်ဆန်ကို ရီးယဲလ်မက်ဒရစ်အသင်းထံ ပေါင် သန်း ၅၀၊ ကယ်ကယ်ဇ်ကို လီဗာပူးလ်အသင်းထံ ပေါင် သန်း ၄၀ နဲ့ ရောင်းချခဲ့ပါတယ်။
ဇာဘာညီဟာ ၂၀၂၃ ခုနှစ်မှာ ဒိုင်နမိုကိဗ်အသင်းကနေ ပေါင် ၂၄ သန်းနဲ့ ဘုန်းမောက်အသင်းကို ရောက်ရှိလာခဲ့ပါတယ်။
