မန်ယူနိုက်တက်နဲ့ နယူးကာဆယ်အသင်းဟာ လိုက်ပ်ဇစ်အသင်းက ဆလိုဗေးနီးယားလက်ရွေးစင်တိုက်စစ်မှူး ရှက်ရှကိုအားခေါ်ယူဖို့ အပြိုင်စိတ်ဝင်စားနေကြပါတယ်။
လိုက်ပ်ဇစ်အသင်းက ရှက်ရှကိုအတွက် ပြောင်းရွှေ့ကြေးကို ပေါင် ၆၇.၃ သန်း သတ်မှတ်ထားပါတယ်။
၎င်းဟာ ပြီးခဲ့တဲ့နှစ်နွေရာသီကမှ လိုက်ပ်ဇစ်အသင်းနဲ့ ၂၀၂၉ ခုနှစ်အထိ စာချုပ်သက်တမ်းတိုးထားခဲ့တာဖြစ်တယ်။
စာချုပ်လျော်ကြေးက ပေါင် ၅၅ သန်းပမာဏရှိမယ့် အဲဒီတုန်းက သတင်းတွေမှာ ဖော်ပြခဲ့ပါတယ်။
နယူးကာဆယ်အသင်းက ရှက်ရှကိုအား ခေါ်ယူဖို ကနဦးစိတ်ဝင်စားခဲ့ပြီး အီဆက်ခ်နေရာ အစားထိုးဖို ပစ်မှတ်ထားခဲ့ပါတယ်။
မန်ယူနိုက်တက်ကတော့ ပြီးခဲ့တဲ့ရာသီမှာ ခြေစွမ်းမပြနိုင်ခဲ့တဲ့ ဟွိင်လန်း၊ ဇက်ဇီးတိုကြောင့် ရှက်ရှကိုနဲ့အားဖြည့်ဖို ဆန္ဒရှိနေပါတယ်။
မန်ယူနိုက်တက်၊ နယူးကာဆယ်အသင်းတွေနဲ့ ပတ်သက်ပြီး သတင်းတွေက အမျိုးမျိုးထွက်နေကာ မကြာခင်မှာ အဖြေထွက်ပေါ်ဖွယ် ရှိနေပါတယ်။
ရှက်ရှကိုဟာ ၂၀၂၃ ခုနှစ် နွေရာသီမှာ ဆာလ်ဇ်ဘာ့ဂ်အသင်းအနေ လိုက်ပ်ဇစ်ကို ရောက်လာပြီး ပြိုင်ပွဲစုံ ၈၇ ပွဲကစား ၃၉ ဂိုးသွင်းယူထားပါတယ်။
