မန်ယူနိုက်တက်အသင်း ငါးပွဲဆက်အနိုင်မရမချင်း ကြွေးကြော်ထားတဲ့ အသင်းပရိသတ်ဖရန့်ခ်အီလတ်က အသင်းနိုင်ပွဲဆက်မှု ရပ်တန့်ခဲ့လို ဆံပင်ညှပ်ဖို ထပ်စောင့်ရဦးမှာဖြစ်ပါတယ်။
မန်ယူနိုက်တက်အသင်းဟာ ဆန်းဒါးလန်း၊လီဗာပူးလ်နဲ့ ဘရိုက်တန်တိုကို သုံးပွဲဆက် အနိုင်ယူခဲ့လို အီလတ်အတွက် မျှော်လင့်ချက်ရှင်သန်ခဲ့ပေမဲ့ နော်တင်ဟမ်ကို သရေကျခဲ့လို ပျက်သုဉ်းခဲ့ရပါတယ်။
အီလတ်ဟာ ၂၀၂၄ ခုနှစ် အောက်တိုဘာလ ၅ ရက်က စတင်ကြွေးကြော်ခဲ့တာဖြစ်လို ဆံပင်မညှပ်ရတာ တစ်နှစ်ကျော် ရှိလာခဲ့ပါတယ်။
အခုရာသီ အစောပိုင်းက BBC Radio Manchester နဲ့ အင်တာဗျူးမှာ အီလတ်က အခုနှစ်ကုန်မှာ ဆံပင်ညှပ်ရဖို မျှော်လင့်ထားတယ်လို ပြောခဲ့ဖူးပါတယ်။
၎င်းဟာ ပြီးခဲ့တဲ့ ဇန်နဝါရီလက မန်ယူနိုက်တက်အသင်း သုံးပွဲဆက် အနိုင်ရလို မျှော်လင့်ချက်ရှိလာပေမဲ့ ပဲလေ့စ်ကိုရှုးပြီး ထပ်စောင့်ခဲ့ရပြန်ပါတယ်။
အီလက်ခ်အနေနဲ့ လက်ရှိမှာ မန်ယူနိုက်တက်အသင်း စပါး၊ အဲဗာတန်၊ ခရစ္စတယ်ပဲလေ့စ်၊ ဝက်စ်ဟမ်းနဲ့
ဝုလ်ဗ်တိုကို အနိုင်ကစားနိုင်မှ အစောဆုံး ဒီဇင်ဘာ ၈ ရက်မှာ ဆံပင်ညှပ်ရပါလိမ့်မယ်။
