ရီးရဲလ်မက်ဒရစ်တိုက်စစ်မှူး အမ်ဘာပေဟာ စက်တင်ဘာလအတွက် လာလီဂါတစ်လတာအကောင်းဆုံးကစားသမားဆုကို သိမ်းပိုက်နိုင်ခဲ့ပြီး ဒီဆုကို ဒုတိယအကြိမ်မြောက် ဆွတ်ခူးခဲ့ပါတယ်။
၎င်းဟာ လာလီဂါတစ်လတာအကောင်းဆုံးဆုကို ပြီးခဲ့တဲ့ ဇန်နဝါရီလကလည်း ရရှိဖူးပြီး အခု ဒုတိယအကြိမ်မြောက်လည်း ဖြစ်ခဲ့ပါတယ်။
အမ်ဘာပေဟာ စက်တင်ဘာလအတွင်း လာလီဂါ လေးပွဲကစားရာမှာ ငါးဂိုးသွင်းပြီး တစ်ဂိုး ဖန်တီးပေးခဲ့ပါတယ်။
ပွဲတိုင်းဂိုးသွင်းခဲ့ပြီး လီဗန်တေးနဲ့ပွဲမှာ နှစ်ဂိုး၊ဆိုစီဒက်၊ အက်စ်ပန်ညို၊ အက်သလက်တီကိုတိုနဲ့ပွဲတွေမှာ တစ်ဂိုးစီ သွင်းနိုင်ခဲ့တာပါ။
လာလီဂါပြိုင်ပွဲမှာ ခုနစ်ပွဲကစား ရှစ်ဂိုး သွင်းယူထားပြီး ဂိုးအများဆုံးစာရင်းမှာ ထိပ်ဆုံးက ဦးဆောင်နေပါတယ်။
ချန်ပီယံလိဂ်ပြိုင်ပွဲမှာတော့ နှစ်ပွဲကစားပြီးချိန်ဟက်ထရစ်တစ်ကြိမ်အပါအဝင် ငါးဂိုးအထိ ရှိနေပါတယ်
