ပရီးမီးယားလိဂ် ပွဲစဥ် – ၆ ပွဲကြိုသုံးသပ်ချက်
♦ နယူးကာဆယ် – အာဆင်နယ် (ည ၁၀ နာရီ)
ဒီဘက်နောက်ပိုင်းနှစ်တွေမှာ အာဆင်နယ်အသင်းကို ကစားရခက်စေတဲ့အသင်းတွေထဲမှာ နယူးကာဆယ်အသင်းလည်း အပါအဝင်ဖြစ်တယ်။ နှစ်ရာသီဆက်တိုက် ပရီးမီးယားလိဂ် အိမ်ကွင်းပွဲတွေမှာ အနိုင်ကစားထားသလို ပြီးခဲ့တဲ့ရာသီ လိဂ်ဖလားဆီမီးဖိုင်နယ်မှာ အိမ်ကွင်း၊ အဝေးကွင်းနှစ်ကျော့စလုံး အနိုင်ရခဲ့တယ်။
ဒါပေမဲ့ အီဆက်ခ် မရှိတော့တဲ့ပြဿနာကို နယူးကာ ဆယ်အသင်း ရင်ဆိုင်နေရပြီး ငါးပွဲမှာ ခြောက်မှတ်ပဲရထားသလို တိုက်စစ်ကလည်း သုံးဂိုးပဲ သွင်းထားယူနိုင်တယ်။ အာဆင်နယ်အသင်းကတော့ ဒဏ်ရာပြဿနာတွေကြားမှာပဲ အသင်း လိုက်ကစားပုံက တော်တော်လေးအားရစရာကောင်းလာတယ်။ မာဒူအေကေ ဒဏ်ရာရသွား ချိန်မှာ ဆာကာ ပြန်ကစားနိုင်ပြီဖြစ်လို့ ညာခြမ်းတိုက်စစ်အတွက် စိတ်ပူစရာမရှိတော့ပါဘူး။
ဒီပွဲသာ ထပ်ပြီးအမှတ်လျော့ခဲ့ရင် လီဗာပူးလ်နဲ့ အမှတ်ကွာဟမှု ပိုများသွားနိုင်လို့ အာဆင်နယ် အမှားလုပ်လို့မရပါဘူး။ သရေကျနိုင်တဲ့ပွဲဖြစ်ပြီး ဂိုးလည်းနည်းလိမ့်မယ်။
♦ အခြားပွဲစဥ်
*အက်စတွန်ဗီလာ – ဖူလ်ဟမ်
