ပရီးမီးယားလိဂ်တန်းတက်ခွင့်အတွက် လိဂ်ချန်ပီယံရှစ် Play-offs ယှဉ်ပြိုင်ကစားမှုကို အသင်းအရေအတွက် တိုးမြှင့်ဖို ဆွေးနွေးနေ

ပရီးမီးယားလိဂ်တန်းတက်ခွင့်အတွက် လိဂ်ချန်ပီယံရှစ် Play-offs ယှဉ်ပြိုင်ကစားမှုကို အသင်းအရေအတွက် တိုးမြှင့်ဖို့ ဆွေးနွေးနေ

အင်္ဂလန်ဘောလုံးလိဂ်(EFL) ဘုတ်အဖွဲ့ဟာ ပရီးမီးယားလိဂ်တန်းတက်ခွင့်အတွက် လိဂ်ချန်ပီယံရှစ် Play-offs ယှဉ်ပြိုင်ကစားမှုကို အသင်းအရေအတွက် တိုးမြှင့်ဖို့ ဆွေးနွေးနေကြောင်း သိရပါတယ်။

လက်ရှိပုံစံကတော့ လိဂ်ချန်ပီယံရှစ်ပြိုင်ပွဲမှာ ထိပ်ဆုံးရပ်တည်မှုရရှိတဲ့နှစ်သင်း ပရီးမီးယားလိဂ်ကို တိုက်ရိုက်တန်းတက်ခွင့်ရရှိပြီး အဆင့်(၃)နေရာကနေ အဆင့်(၆)နေရာအထိ ရပ်တည်တဲ့ အသင်း(၄)သင်းက Play-offs ယှဉ်ပြိုင်ကစားပြီးမှ ဗိုလ်စွဲတဲ့အသင်း တန်းတက်ခွင့်ရတာဖြစ်ပါတယ်။

အခု EFL ရဲ့ ဘုတ်အဖွဲ့က အဆင့်(၃)ကနေ အဆင့်(၈)နေရာရရှိတဲ့အသင်းအထိ စုစုပေါင်း အသင်း(၆)သင်းကို Play-offs ယှဉ်ပြိုင်ကစားစေဖို့ ဆွေးနွေးနေခြင်းဖြစ်ပြီး ဒီရာသီမှာတော့ အရင်ပုံစံအတိုင်း အဆင့်(၃)ကနေ အဆင့်(၆)အထိသာ ယှဉ်ပြိုင်ကစားရမယ်လို့ သိရပါတယ်။

ဒါ့အပြင် EFL ဘုတ်အဖွဲ့ရဲ့ ဆွေးနွေးမှုက အောင်မြင်ခဲ့ရင်လည်း အင်္ဂလန်ဘောလုံးအဖွဲ့ချုပ်(FA)နဲ့ ပရီးမီးယားလိဂ်ရဲ့ သဘောတူညီချက် ရရှိဖို့ လိုအပ်ဦးမယ်လို့ သိရပါတယ်။

အခုလို Play-offs ယှဉ်ပြိုင်မှုအတွက် အသင်းအရေအတွက် တိုးမြှင့်ဖို့ စီစဉ်တာက ပြိုင်ပွဲဝင်အသင်းတွေအနေနဲ့ ပရီးမီးယားလိဂ်တန်းတက်ခွင့်အတွက် အခွင့်အရေးပိုမိုရရှိစေဖို့ဖြစ်ကြောင်း သိရပါတယ်။