ချယ်လ်ဆီးရဲ့တစ်ကျော့ပြန်ချန်ပီယံလိဂ်တိုက်ပွဲက ပန်းခင်းလမ်းမဟုတ်ပါဘူး။
လက်ရှိရာသီချန်ပီယံလိဂ်မှာ ချယ်လ်ဆီး ပထမဆုံးရင်ဆိုင်ရတာ အစဉ်အလာကြီးတဲ့ဘိုင်ယန်မြူးနစ်ဖြစ်ပြီး ခက်ခဲမယ်လို့ထင်ထားတဲ့အတိုင်း ဂိုးပြတ်ရှုံးခဲ့တယ်။
ဘိုင်ယန်မြူးနစ်က ချယ်လ်ဆီးကို သုံးဂိုးတစ်ဂိုးနဲ့ အနိုင်ရခဲ့တာပါ။ ဘိုင်ယန်မြူးနစ်ကချယ်လ်ဆီးနောက်ခံလူ ချာလိုဘာOwn Goal သွင်းတာကနေ အဖွင့်ဂိုးရခဲ့တာပါ။ နောက်ထပ်နှစ်ဂိုးကိုဟာရီကိန်းက သွင်းယူပြီးချယ်လ်ဆီးအတွက် ချေပဂိုးတစ်ဂိုးကို ပါလ်မာသွင်းယူပေးခဲ့ပါတယ်။
ဘိုင်ယန်မြူးနစ်ရဲ့အိမ်ကွင်းဟာချယ်လ်ဆီးအတွက် အမှတ်ရစရာ အကောင်းဆုံး ရပ်ဝန်းဖြစ်ဖူးတယ်။ ချယ်လ်ဆီးဟာ ၂၀၁၂ ခုနှစ်ချန်ပီယံ ဖိုင်နယ်မှာ ဘိုင်ယန်မြူးနစ် ကိုအနိုင်ယူပြီး ချန်ပီယံလိဂ်ဖလားကို ပထမဆုံးသိမ်းပိုက်ဖူးတယ်။ အခုတစ်ခါတော့ အရှုံးသာရင်ဝယ်ပိုက်ခဲ့ရပါတယ်။
ချယ်လ်ဆီးက ဘာစီလိုနာ၊ နာပိုလီ၊ အတ္တလန်တာတို့လို အသင်းတွေနဲ့ဆုံရမှာကလည်း မလွယ်ကူတဲ့အခြေအနေပါ။ ဘာစီလိုနာက ချနိပီယံလိဂ်မှာအောင်မြင်မှုပြန်ယူချင်နေပြီး ယမားလ်ရဲ့ထိပ်တန်းအဆင့်ပြိုင်ပွဲတွေမှာ ပြသတဲ့ပေါက်ကွဲအားကြောင့် ချယ်လ်ဆီးကျော်ဖြတ်ရခက်နိုင်တယ်။
နာပိုလီနဲ့အတ္တလန်တာကချယ်လ်ဆီးအတွက်ဖျက်မြင်းထက်ပိုတဲ့အဆင့်ပါ။ အထူးသဖြင့် ဒီဘရိုင်းနား၊တွမ်မီနေး ဟွိုင်လန်းတို့လို ပရီးမီးယားလိဂ်ကစားသမားဟောင်းတွေရှိနေတာ ချယ်လ်ဆီးအတွက် သတိထားရမယ့်အခြေအနေမျိုးပါ။
ဘယ်လိုပဲဖြစ်ဖြစ် League Phase ကနေ နောက်တစ်ဆင့်ကို တိုက်ရိုက်တက်ရောက်ခွင့်ရအောင် ချယ်လ်ဆီးသတိထား ကစားရပါတော့မယ်။
