ပြီးခဲ့တဲ့ရက်ပိုင်းအတွင်း ကစားသမားဘဝက အနားယူကြောင်း ကြေညာခဲ့တဲ့ အာဂျင်တီးနားတိုက်စစ်ကစားသမား လာမယ်လာက လွန်ခဲ့တဲ့(၁၁)နှစ်ကတည်းက အစပြုခဲ့တဲ့ တင်ပါးဒဏ်ရာကြောင့် အနားယူခဲ့ခြင်းဖြစ်ကြောင်း ဖွင့်ဟပြောကြားခဲ့ပါတယ်။
လာမယ်လာဟာ စပါးအသင်းမှာ ကာလရှည်ကစားခဲ့သူဖြစ်ပြီး AEK အေသင်အသင်းနဲ့ လမ်းခွဲခဲ့ပြီးတဲ့နောက် အသက်(၃၃)နှစ်အရွယ်မှာပဲ အနားယူဖို့ ဆုံးဖြတ်ခဲ့တာပါ။
” ကျွန်တော့်မှာ တင်ပါးဒဏ်ရာပြဿနာ ရှိနေပါတယ်။ လွန်ခဲ့တဲ့(၁၁)နှစ်ကတည်းက စတင်ခဲ့တာဖြစ်ပြီး ၂၀၁၇ မှာ နှစ်ဖက်စလုံးကို ခွဲစိတ်ကုသမှု ခံယူခဲ့ရပါတယ်။ ဘယ်ဘက်တင်ပါးက ပိုဒုက္ခပေးပါတယ်။ ခက်ခဲတဲ့ နှစ်တစ်နှစ်ဖြစ်ခဲ့ပြီး ကျွန်တော် ကြောက်လန့်ခဲ့ရပါတယ်။ ကစားသမားဘဝ အဆုံးသတ်တော့မလားလို့လည်း တွေးမိခဲ့ပါတယ်။ အဲဒီတုန်းက ကျွန်တော့်အသက် (၂၅)နှစ်ပဲ ရှိပါသေးတယ်” လို့ ပြောကြားခဲ့ပါတယ်။
လာမယ်လာက ဒီနှစ်ထဲမှာတော့ ပွဲကစားရတာသာမက လေ့ကျင့်ရတာမှာပါ အလွန်ခက်ခဲလာတဲ့အတွက် အနားယူဖို့ ဆုံးဖြတ်ခဲ့ခြင်းဖြစ်ကြောင်းလည်း ပြောကြားခဲ့ပါတယ်။
လာမယ်လာဟာ လက်ရှိအချိန်မှာတော့ အသင်းဟောင်း ဆီဗီလာမှာ နည်းပြအဖွဲ့ဝင်တစ်ဦးအဖြစ် ဆောင်ရွက်နေပြီလို့ သိရပါတယ်။
