စပါးအသင်းရဲ့နည်းပြ သောမတ်စ်ဖရန့်ခ်က ဥရောပစူပါဖလားဟာ စိတ်လှုပ်ရှားစရာကောင်းတဲ့ စိန်ခေါ်မှုဖြစ်တယ်လို ပြောကြားခဲ့ပါတယ်။
သောမတ်စ်ဖရန့်ခ်ဟာ ပြီးခဲ့တဲ့ဇွန်လကမှ စပါးအသင်းရဲ့ နည်းပြသစ်အဖြစ် (၃)နှစ်စာချုပ်နဲ့ ခန့်အပ်ခံခဲ့ရသူဖြစ်ပြီး ရာသီကြိုခြေစမ်းပွဲ(၆)ပွဲ ယှဉ်ပြိုင်ကစားခဲ့ရာမှာတော့ (၂)ပွဲနိုင်၊ (၃)ပွဲသရေ၊ (၁)ပွဲရှုးခဲ့ပါတယ်။
သောမတ်စ်ဖရန့်ခ်က စပါးအသင်းကို ယူရိုပါလိဂ်အောင်ပွဲအပေါ် အခြေပြုတည်ဆောက်သွားမှာဖြစ်ကြောင်းနဲ့ ဥရောပစူပါဖလားပွဲ ကစားရမှာ၊ ချန်ပီယံလိဂ်ယှဉ်ပြိုင်ရမှာတွေကို စိတ်လှုပ်ရှားကြောင်း ပြောကြားခဲ့ပါတယ်။
ဥရောပစူပါဖလားနဲ့ပတ်သက်ပြီး သောမတ်စ်ဖရန့်ခ်က ” နောက်ဆုံးယှဉ်ပြိုင်ကစားခဲ့တဲ့ မန်ယူနဲ့ ဗိုလ်လုပွဲက အတွေ့အကြုံတချိုကို လာမယ့်ပွဲမှာ အသုံးပြုနိုင်ဖို မျှော်လင့်ပါတယ်။ PSG က ဥရောပရဲ့အကောင်းဆုံးအသင်းဖြစ်ပြီး ပွဲထွက်ကစားသမား(၁၁)ဦးစလုံးကလည်း အရမ်းကောင်းပါတယ်။ ဒါကြောင့် ကျွန်တော်တိုအတွက် စိတ်လှုပ်ရှားစရာစိန်ခေါ်မှုပါပဲ။ ဒါပေမဲ့ ကျွန်တော်တို ကိုယ့်ကိုယ်ကို ယုံကြည်မှုရှိပါတယ်။ ဗိုလ်လုပွဲ ကစားရမယ့်အချိန်မှာ တစ်ခုတည်းသော ရည်မှန်းချက်ကတော့ အနိုင်ရအောင်ကြိုးစားဖိုပါပဲ။ ကျွန်တော်တို ဒီပွဲကို စမ်းသပ်မှုတစ်ခုလို မမြင်ပါဘူး။ အသင်းကောင်းနှစ်သင်း ရင်ဆိုင်တွေ့တာပါ။ ကျွန်တော်တို အနိုင်ရချင်ပါတယ်” လို ပြောကြားခဲ့ပါတယ်။
