ရှက်ရှကိုရဲ့ဒဏ်ရာ မပြင်းထန်ဖို့ မန်ယူနိုက်တက် မျှော်လင့်
မန်ယူနိုက်တက်အသင်း တာဝန်ရှိသူတွေဟာ ဒူးဒဏ်ရာရခဲ့တဲ့ တိုက်စစ်မှူး ရှက်ရှကိုရဲ့ဒဏ်ရာ မပြင်းထန်ဖို့ မျှော်လင့်နေတယ်လို့ သိရပါတယ်။
ရှက်ရှကိုဟာ ဒီဒဏ်ရာကြောင့် မိခင်နိုင်ငံ ဆလိုဗေးနီးယားအသင်းရဲ့ ကမ္ဘာ့ဖလားခြေစစ်ပွဲတွေကိုတော့ လွဲချော်ခဲ့ရပါတယ်။
၎င်းဟာ စပါးနဲ့ပွဲမှာ လူစားဝင်ကစားပြီး ၈၈ မိနစ်မှာ စပါးနောက်ခံလူ ဗန်ဒယ်ဗန်နဲ့ ထိခိုက်မိလို့ ဒဏ်ရာရခဲ့တာဖြစ်တယ်။
ရှက်ရှကိုအနေနဲ့ ကွင်းထဲက ချိုင်းထောက်အကူအညီမပါဘဲ ထွက်ခွာခဲ့ပေမဲ့ ကောင်းစွာ လမ်းမလျှောက်နိုင်ခဲ့ပါဘူး။
ရှက်ရှကိုရဲ့ဒဏ်ရာကို နိုင်ငံတကာရက်သတ္တပတ်အတွင်း စမ်းသပ်စစ်ဆေးမှုတွေ ထပ်မံပြုလုပ်သွားဖို့ ရှိပါတယ်။
ပေါင် ၇၃.၇ သန်းတန် တိုက်စစ်မှူးဟာ မန်ယူနိုက်တက်အတွက် ၁၂ ပွဲကစားပြီး နှစ်ဂိုးသာ သွင်းယူထားပါတယ်။
