ဗြိတိန်ဘုရင် ချားလ်စ်က အင်္ဂလန်ဘောလုံးအသင်းခေါင်းဆောင်ဟောင်း ဒေးဗစ်ဘက်ခမ်ကို ဆာဘွဲအပ်နှင်းခဲ့ပါတယ်။
ဘက်ခမ်(၅၀ နှစ်)ဟာ အခုနှစ်အစောပိုင်းက ထုတ်ပြန်တဲ့ ချားလ်စ်ဘုရင်မွေးနေ့ ဂုဏ်ပြုခံစာရင်းမှာ ပါဝင်ခဲ့ပြီး အခုမှ အခမ်းအနားနဲ့ ပေးအပ်ခဲ့တာပါ။
အဆိုပါအခမ်းအနားကို ဝင်ဆာရဲတိုက်မှာ ယနေ့ပြုလုပ်ခဲ့ပြီး ဘက်ခမ်ဟာ ဘောလုံးနဲ့ ဗြိတိန်လူမှုအဖွဲအစည်းအား သူ့ရဲ့လုပ်ဆောင်မှုများအတွက် ချီးမြှင့်ခံခဲ့ရတာပါ။
”ကျွန်တော် မော်ကြွားသူတစ်ဦး မဟုတ်ပါဘူး။ ကျွန်တော် ဘယ်လိုမျိုးချစ်စိတ်ရှိသလဲ၊ တိုင်းပြည်ကို ဘယ်လောက်ချစ်သလဲဆိုတာ လူတွေ သိကြပါတယ်။ ကမ္ဘာတစ်ဝန်းခရီးသွားခွင့်ရလို ကျွန်တော် ကံကောင်းပါတယ်။ လူတွေကလည်း ကျွန်တော်တိုရဲ့ဘုရင်အကြောင်း ပြောချင်ကြတယ်။ ဒါက
ကျွန်တော့်အဖို ဂုဏ်ယူစရာပါပဲ”လို ဘက်ခမ်က
ပြောခဲ့ပါတယ်။
ဘက်ခမ်ဟာ အခမ်းအနားကို ဇနီးဖြစ်သူ ဗစ်တိုးရီးယား၊ မိဘနှစ်ပါးနဲ့အတူ တက်ရောက်ခဲ့ပါတယ်။
ဗစ်တိုးရီးယားအနေနဲ့ ၂၀၁၇ ခုနှစ်က OBE ဂုဏ်ထူးဆောင်ဘွဲ အပ်နှင်းခံခဲ့ရပါတယ်။
