ဒူးဒဏ်ရာရရှိထားတဲ့ အာဆင်နယ်အသင်းခေါင်းဆောင် ကွင်းလယ်ကစားသမား အော်ဒီဂွါဟာ နိုဝင်ဘာလ နိုင်ငံတကာရက်သတ္တပတ်အလွန်မှသာ ပြန်ကစားနိုင်မယ်လို သိရပါတယ်။
အော်ဒီဂွါဟာ ဝက်စ်ဟမ်းအသင်းကို အနိုင်ရတဲ့ပွဲမှာ ဒူးဒဏ်ရာရရှိခဲ့တာဖြစ်ပြီး အောက်တိုဘာလ နိုင်ငံတကာရက်သတ္တပတ်အပြီးမှာ ပြန်ကစားနိုင်ဖို မျှော်လင့်ခဲ့ပေမဲ့ နိုဝင်ဘာလလယ်အထိ ပြန်ကစားနိုင်ဖွယ်မရှိသေးကြောင်း သိရပါတယ်။
ဒါကြောင့် အော်ဒီဂွါအနေနဲ့ နိုဝင်ဘာလလယ်မှာ သတ်မှတ်ထားတဲ့ နိုင်ငံတကာရက်သတ္တပတ်အလွန်မှသာ ပြန်ကစားနိုင်တော့မှာဖြစ်ကြောင်း BBC က ဖော်ပြခဲ့တာပါ။
ဒီအတွက် အော်ဒီဂွါဟာ အာဆင်နယ်အသင်းရဲ့ ပွဲစဉ်(၇)ပွဲလောက်ကို လွဲချော်ဖွယ်ရှိနေပြီး စပါးနဲ့ ယှဉ်ပြိုင်ရမယ့် လန်ဒန်ဒါဘီပွဲမှသာ ပြန်ကစားနိုင်ဖွယ်ရှိကြောင်း သိရပါတယ်။
အော်ဒီဂွါ လွဲချော်မယ့်ပွဲတွေက ပရီးမီးယားလိဂ်မှာ ဖူလ်ဟမ်၊ ပဲလေ့စ်၊ ဘန်လေ၊ ဆန်းဒါးလန်း၊ လိဂ်ဖလားမှာ ဘရိုက်တန်၊ ချန်ပီယံလိဂ်မှာ အက်သလက်တီကို၊ ဆလားဗီးယားပရပ်ဂ်ပွဲတွေဖြစ်ကြောင်း သိရပါတယ်။
