လီဗာပူးလ်အသင်းမှာ ရုန်းကန်နေရတဲ့ ကွင်းလယ်တိုက်စစ်ကစားသမား ဗက်ဇ်ကို ဂျာမနီအသင်းနည်းပြ နာဂယ်စမန်းနဲ့ လီဗာပူးလ်အသင်းနည်းပြဟောင်း ယာဂန်ကလော့ပ်တိုက ကာကွယ်ပြောကြားခဲ့ပါတယ်။
ဗက်ဇ် (၂၂ နှစ်)ဟာ ယခုနွေရာသီမှာ လေဗာကူဆင်အသင်းကနေ လီဗာပူးလ်အသင်းကို ကလပ်စံချိန်တင်ကြေး ပေါင် ၁၁၆ သန်းနဲ့ ပြောင်းရွှေ့လာသူဖြစ်ပါတယ်။
၎င်းဟာ ပြိုင်ပွဲစုံ ၁၀ ပွဲ ကစားထားပေမဲ့ သွင်းဂိုးနဲ့ ဂိုးဖန်တီးမှု တစ်ကြိမ်သာ မရှိသေးလို ဝေဖန်ပြစ်တင်ခံနေရပါတယ်။
ဒါပေမဲ့ Opta ရဲ့ အချက်အလက်တွေအရ ဗက်ဇ်ဟာ အခုရာသီ ပရီးမီးယားလိဂ်ပြိုင်ပွဲမှာ အခွင့်အရေးဖန်တီးနိုင်တာ ၂၁ ကြိမ်ရှိပြီး တခြားကစားသမားအားလုံးထက် ပိုများပါတယ်။
”သူက ဂိုးမသွင်းနိုင်ပေမဲ့ ပရီးမီးယားလိဂ်မှာ အခွင့်အရေးဖန်တီးနိုင်မှုအများဆုံး ကစားသမားပါ။ သူ့အသင်းဖော်တွေက ဂိုးအဖြစ် မပြောင်းလဲနိုင်တာ သူ့အမှားမဟုတ်ပါဘူး။ အချက်အလက်တွေက ဇာတ်လမ်းတစ်ခုလုံးကို မပြောပြနိုင်ပါဘူး။
ဗက်ဇ်က လိဂ်ပြိုင်ပွဲနဲ့ အသားကျဖိုလိုပါတယ်။ သူ လွတ်လပ်မှုအပြည့်နဲ့ ကစားနေတာကို ကျွန်တော် တွေ့ပါတယ်။ သူက ဘာတွေလုပ်နိုင်တယ်၊ ဘယ်လိုလုပ်ရလဲဆိုတာ သိပါတယ်”လို နာဂယ်စမန်းက ပြောခဲ့ပါတယ်။
ယာဂန်ကလော့ပ်ကလည်း ”သူ့ရဲ့ အရည်အသွေးက အရမ်းထူးခြားပါတယ်။ ပြောဆိုတာတွေက နည်းနည်းချဲ့ကားနေတာပါ။ သူက ရာစုနှစ်မှာ တစ်ခါလောက်တွေ့ရတဲ့ သူမျိုးပါ။ လေဗာကူဆင်မှာ လုပ်ခဲ့သလိုမျိုး ပွဲတိုင်းမှာ သူလုပ်ပြနိုင်ဦးမှာပါ”လို မှတ်ချက်ပြုခဲ့ပါတယ်။
