ဘာစီလိုနာတိုက်စစ်မှူး လီဝန်ဒေါစကီး ကစားသမားဘဝ သွင်းဂိုး(၇၀၀)ပြည့်မြောက်
ဘာစီလိုနာအသင်းရဲ့ တိုက်စစ်မှူး လီဝန်ဒေါစကီးဟာ တနင်္ဂနွေနေ့က ယှဉ်ပြိုင်ကစားခဲ့တဲ့ ဆိုစီဒက်နဲ့ပွဲမှာ တစ်ဂိုးသွင်းယူခဲ့တဲ့အတွက် ကစားသမားဘဝ သွင်းဂိုး(၇၀၀)ပြည့်မြောက်ခဲ့ကြောင်း သိရပါတယ်။
အဲဒီပွဲမှာ ဆိုစီဒက်အသင်းက ဦးဆောင်ဂိုးသွင်းယူခဲ့ပေမဲ့ ဘာစီလိုနာအသင်းက ခွန်ဒဲ၊ လီဝန်ဒေါစကီးတို့ရဲ့ သွင်းဂိုးတွေနဲ့ ပြန်လည်အနိုင်ယူခဲ့တာဖြစ်ပြီး အမှတ်ပေးဇယားထိပ်ဆုံးနေရာကိုလည်း သိမ်းပိုက်ရယူခဲ့ပါတယ်။
လီဝန်ဒေါစကီးဟာ ဒီရာသီမှာ ဘာစီလိုနာအသင်းအတွက် ပြိုင်ပွဲစုံ(၄)ဂိုးမြောက် သွင်းယူနိုင်ခဲ့တာဖြစ်ပြီး ဘာစီလိုနာကစားသမားဘဝ သွင်းဂိုးပေါင်းကတော့ (၁၀၅)ဂိုး ရှိသွားခဲ့ပါပြီ။
ပိုလန်တိုက်စစ်မှူး လီဝန်ဒေါစကီးဟာ ပရပ်ဇ်ကောအသင်းအတွက် (၂၁)ဂိုး၊ လက်ချ်ပေါ့ဇ်နန်အသင်းအတွက် (၄၁)ဂိုး၊ ဒေါ့မွန်အသင်းအတွက် (၁၀၃)ဂိုး၊ ဘိုင်ယန်မြူးနစ်အသင်းအတွက် (၃၄၄)ဂိုး၊ ဘာစီလိုနာအသင်းအတွက် (၁၀၅)ဂိုး၊ ပိုလန်လက်ရွေးစင်အသင်းအတွက် (၈၆)ဂိုး သွင်းယူထားခြင်းဖြစ်ကြောင်း သိရပါတယ်။
လီဝန်ဒေါစကီးဟာ ဥရောပထိပ်တန်းလိဂ်(၅)ခုမှာ တတိယဂိုးအများဆုံးသွင်းယူနိုင်သူအဖြစ်လည်း မှတ်တမ်းဝင်နေပြီး သူ့ထက်ပိုသွင်းနိုင်သူက မက်ဆီနဲ့ စီရော်နယ်လ်ဒိုတို့ဖြစ်ကြောင်း သိရပါတယ်။
