၂၀၂၅ Ballon d’Or ဆုကို PSG တိုက်စစ်ကစားသမား ဒမ်ဘီလီရရှိမယ်ဆိုပြီး သတင်းပေါက်ကြားလာပါတယ်။
ဒမ်ဘီလီက ပြီးခဲ့တဲ့ဘောလုံးရာသီမှာ PSG အသင်းနဲ့အတူ ဖလားသုံးလုံးအောင်ပွဲ ရရှိထားပြီး (၃၇)ဂိုးသွင်းယူကာ ဂိုးဖန်တီးမှု (၁၆)ကြိမ်ပြုလုပ်ခဲ့ပါတယ်။
လူမှုကွန်ရက်မှာ ပေါက်ကြားလာတဲ့မှတ်တမ်းအရ PSG တိုက်စစ်ကစားသမား ဒမ်ဘီလီက ရမှတ် ၆၃၀ နဲ့ Ballon d’or ရမယ်လို့သိရပါတယ်။
၂၀၂၅ Ballon d’Or ဆုအတွက် ၂၀၂၄ သြဂုတ်(၁)ကနေ ၂၀၂၅ ဇူလိုင်(၃၁)အထိ ကာလအတွင်း ပြသခဲ့တဲ့ စွမ်းဆောင်ရည်အပေါ် အခြေခံပြီး ရွေးချယ်သွားမှာ ဖြစ်ပါတယ်။
Ballon d’or ဆုအတွက် ဆန်ခါတင်စာရင်းကို ဒီနေ့ သြဂုတ်လ ၇ ရက်မှာထုတ်ပြန်ကြေညာခဲ့တာဖြစ်ပါတယ်။
Ballon d’Or ဆုကို ပြင်သစ်ဘောလုံးမဂ္ဂဇင်းရဲ့ ဦးဆောင်မှုနဲ့ ရွေးချယ်ချီးမြှင့်တာဖြစ်ပြီး ၁၉၅၆ ခုနှစ်ကတည်းက စတင်ချီးမြှင့်ခဲ့တာပါ။
ပထမဆုံးဆုရရှိသူက အင်္ဂလန်ကစားသမား စတန်လေမက်သယူးဖြစ်ပြီး နောက်ဆုံးဆုရရှိထားသူကတော့ စပိန်ကစားသမား ရိုဒရီ ဖြစ်ပါတယ်။
(၈)ကြိမ်ရရှိထားတဲ့ အာဂျင်တီးနားတိုက်စစ်မှူး မက်ဆီက ဆုအများဆုံးရရှိသူအဖြစ် စံချိန်တင်ထားပါတယ်။
Ballon d’or ဆုပေးပွဲအခမ်းအနားကို လာမယ့်စက်တင်ဘာ (၂၂) မှာ ကျင်းပမှာဖြစ်ပါတယ်။
